做亞媽真係一d都唔簡單, 我以為單單只係番學, 應該唔會有d咩問題啦, 點不知就係番學, 所以先攪到我頭都暈埋!
尋日原本係同滕滕打的番學架, 不過落到樓下見架校巴仲未走, 咁咪將滕滕抱左比校車 E E, 之後我就番工喇! 樹不知尋晚放工番到去, 滕滕就不斷係到講"唔搭 van van!", 就連瞓左差唔多成兩個鐘, 滕滕醒左一醒, 又同我講"唔搭van van!"
乜搭van van真係咁驚咩??? 其實我覺得佢真係唔係咁驚囉, 佢只係想我同佢一斉番學啫! 因為番學而家同老師熟左, 佢就唔係好怕喇, 所以我唔同佢番學都ok啦!
唉~ 我估唔到我呢個滕滕咁痴身!!!
因為打襯電話番去佢都唔肯收線, 所以攪到我都唔係好敢打番去! 但係放學之後成個幾鐘裏面, 佢耐唔耐就望住個cam 嚟叫住我 "媽me~ 媽me~", 聽到佢咁叫都不知幾心up~
而家滕滕打醒十二分精神呀, 一見個cam 郁, 佢就即刻望過嚟喇, 仲要即刻張個電話放耳邊, 以為我會打番去呀, 不過佢見等左一陣都冇反應, 就張個電話掟落地喇! 佢而家個勢, 就好似standby係個電話嚮咁!
豬仔, 媽me唔想咁架, 你乖d啦, 番學之嘛, 放左學就番屋企啦, 又唔係唔番嚟, 仲咩事成個痴頭猛咁啫~!
呢個行為好明顯佢想你陪佢多d...
回覆刪除佢返學係咪附近啊? 不如你揾番間可以o係你公司附近會唔會好d 呢?
[版主回覆09/19/2011 11:32:00]我屋企係屯門, 我公司係油塘, 好遠架!!!
我知佢呢排成日都想見到我, 個心靈幾空虛, 所以呢排我都會陪佢多d囉~
由得佢痴下啦，再大個啲，聽個仔叫一聲媽咪都少喇
回覆刪除[版主回覆09/19/2011 11:32:00]最慘佢叫到我個心赤赤痛呢~
不如妳..同佢搭一次van van??
回覆刪除[版主回覆09/19/2011 11:33:00]我已經問左老師喇, 老師話家長係唔可以一斉搭van 架, 佢話d校巴公司唔比! 可能係怕一個上完, 又輪到第二個又話要卦~!