唉~

今日老師打電話嚟話滕滕今日扭計左! 由佢比人脅持住上校車嗰一刻開始喊, 我就開始有D不安, 都估到佢今日唔會好乖!

事原今朝刷完牙之後, 坐左係SOFA到, 滕滕主動同我講話搭VAN VAN媽me一斉, 我就同佢講我唔同佢一斉搭喇, 媽me要番工呀, 跟住佢就開始喊扭計喇, 話要同我一斉搭van van呀!

到左今晚放工番嚟, 我問滕滕今日番學有冇曵, 佢就同我講有, 喊喊, 有曵曵! 再講落去, 佢就話驚驚, 驚驚, 唔搭van van!

我今日同老師反應過, 呢兩朝滕滕上車, 個保母二話不說, 一停左車就即刻"的"左滕滕上車, 跟住唔使一秒,就即刻關車門開車, 全程10秘都唔使! 我同老師講, 而家都係搭左校車三日之嘛, 起碼上車時, 都比個小朋友望下邊個e e 幫佢地上車吖, 連個小朋友都未望到就"的"左人上車即走, 咁同比人脅持上車有咩分別呀~

我同老師講, 我明白可能時間問題, 上車地點又可能唔可以太耐, 但係, 真係比一兩秒嚟望下個保母都得卦, 如果唔係, 第日滕滕上咩事, 上邊架車佢都唔知啦! 因為就係因為佢今朝見到架一模一樣嘢校巴, 滕滕就話上車喇! 好彩我睇個校章唔同咋, 所以架車一嚟到, 我就指住個校章, 話比滕滕知等佢認下咋!

唉~ 死啦! 前兩日就驚個男孩子廁所, 今日就驚搭van van! 正如老師所講, 你好冇安全感喎!