個工人真係攞命!!!
我覺得佢好似冇用個心嚟做嘢囉, 買左一星期菜, 我都已經講左, 天氣開始涼, 呢兩三日食嘅菜可以唔使放入雪柜, 之後食嘢, 怕太耐會壞先放入雪柜. 咁樣講都已經好清楚啦, 冇放入雪柜嘅, 就即係呢幾日食晒佢啦, 但係佢都居然冇食, 尤得D菜黃晒, 咁我唯有掉左佢啦! 個節瓜食左一半, 另外一半, 就放左係個雪柜到個幾星期, 我問個工人仲咩唔第日食埋佢, 個工人答唔到我! 見到個耶菜花開始有小小發毛, 咁我就批左有小小毛嗰D, 跟住就烚一烚佢, 諗住叫佢第日整左佢啦, 問個工人知唔知點解我要咁樣整熟左個耶菜花, 佢同我講知道係因為就嚟壞, 不過, 個耶菜花放左係個雪柜三日都唔整嚟食, 我真係百思不得其解! 一既我問佢嘅嘢, 佢一句都答唔到我, 究竟點解佢唔整D菜, 尤得佢變壞!
滕滕, 我已經番左工成個幾兩個星期, 到左今時今日, 我放工番到去, 滕滕都係唔要佢! 我見到佢同滕滕玩, 玩嚟玩去都係玩嗰一味, 就係拋高個波, 冇其他嘢喇! 開CD比滕滕聽歌, 佢就攞本書出嚟自己睇住D歌書嚟唱, 滕滕呢? 已經去到冇雷公咁遠啦!
最離譜, 就係係29号, 我同老公去睇完清明上河圖番到嚟成十一點半, 一入屋, 老公已經係到嘈喇, 老公話個工人房門關埋左, 我地房門關埋左, 萬一滕滕瞓瞓下醒左係到喊, 佢都唔知聽唔聽到呀, 呢樣都唔止, 一入到房, 張BB床個床欄居然冇拉番高佢, 萬一滕滕醒左, 就一定跌左佢出嚟!
個工人樣樣嘢都唔小心, 跟本就冇心去做嘢, 一D安全意識都冇, 佢仲同我講佢之前 D太太話佢湊BB好好喎! 我真係一D都FEEL唔到佢用心去做囉!
我忍唔住打左去比個AGENT, 個AGENT話一定要話佢喎! 唉~ 再睇下點, 唔對路, 我又想換過個喇!
唔怪得你咁煩啦! 你呢個同我之前果個一模一樣, 一D都唔上心. 鬼咩, 個仔唔係佢.
回覆刪除佢冇安全意識都幾煩, 滕滕咁細, 真係好危險. 你唯有提佢多D啦.
[版主回覆12/07/2010 22:59:00]講都講到口水乾埋, 只要係細心D, 好多嘢就唔同啦!
真係一D都唔上心囉! 我同佢講,話佢冇心機做嘢, 佢居然答我係呀, 頂佢~!!!
攞佢返A準度調教吓。
回覆刪除[版主回覆12/07/2010 22:57:00]已經CALL左AGENT 喇, 個AGENT都頂佢唔順, 話要TRAIN過佢, 希望可以好D啦!
完全粗心大意啦...
回覆刪除[版主回覆12/07/2010 22:59:00]咪就係囉!!! 想唔小佢都唔得啦!
呢個姐姐係咪第一次做姐姐？我個姐姐初初都係咁 ！
回覆刪除[版主回覆12/07/2010 23:00:00]佢之前係新加坡做過, 湊過兩年BB架喇, 佢話佢有湊BB EXPREIENCE, 但係我一D都FEEL唔到囉!