我諗過左咁多個生日, 應該呢個生日係我最唔開心嘅一個.
成個幾星期, 心情未好過, 唔係好想講咁多嘢, 但無奈個工人要我小佢佢先安落! 同老公已經個幾星期冇講過嘢, 因為我唔想再同佢講嘢, 而佢應該都係.
我以為佢今日番左工, 所以我冇諗過番到屋企, 打開個雪柜會見到個CAKE, 見到應該好開心先至係, 但係當我知道佢今晚又話要番工之後, 我冇開心過, 而且心情仲差左.
人地切CAKE我切CAKE, 我笑都冇笑過, 而且仲想喊. 想啫, 結果我冇, 因為我喊唔出, 但係係滕滕飲緊奶嗰時, 唔知點解滴眼淚好自然咁流左出嚟.
讀書時嘅我, 又番左嚟, 我收埋得好好, 我唔講, 冇人知我唔開心, 個個都以為我係因為個工人煩, 我想自己活係自己世界, 我唔想人地為我而唔開心, 因為我知道冇人幫到我.
沒有留言:
張貼留言