今日下午滕滕瞓完覺, 唔知仲乜好似痴左咁係咁係到扭計! 我買左芝士包比滕滕做 TEA, 見佢起左身, 就比芝士包佢食囉, 不過佢食左一啖就唔肯再食喇! 一次, 兩次, 三次, 都係發住皮4咁推開我手上嘅包, 我諗佢覺得唔好食, 所以唔想再食!
見佢係咁扭計, 就比餅餅佢, 不過係食餅途中, 我都再比包佢, 因為我覺得佢咁鐘意食包, 冇奶油唔鐘意食, 不過呢次再遞比佢, 佢又拒絕我喇! 所以我話: 唔食算! 咁好味, 我食左佢! 跟住就張D包放左係枱面, 就入左房執衫!
執執下, 我聽到D膠袋聲, 跟手就申個頭出去望, 一望, 我發現滕滕好似隻老鼠咁, 係到靜雞雞偷面包食, 一發覺我睇到佢, 佢就震左一震, 跟住好無奈咁比我發現左咁係到笑! 我一睇到, 我就話: 哦! 我仲以為你話唔好食潻! 比過幾次你都推開我, 而家就去偷食! 賊仔!!!
哈哈哈，始終覺得包包最好，哈哈哈!!!
回覆刪除[版主回覆12/27/2010 23:13:00]呢條豬仔, 頂佢唔順!
睇見你個標題, 以為你個極品工人嚟咗冇耐, 就搞到你屋企有老鼠喇~
回覆刪除[版主回覆12/27/2010 23:14:00]如果真係有老鼠, 你睇我小唔小到佢暈!
hahahaha....我真係以為你話有老鼠tim....
回覆刪除[版主回覆12/27/2010 23:15:00]我唔想呀!!!