心情仲係唔多好, 所以都仲係唔想寫BLOG, 除左個死人工人除外啦!
睇到你個BLOG, 唔知你係唔係同我講緊, 我三番四次睇完再睇, 都係係到諗緊唔知你係唔係同我講, 睇到第三第四次, D眼淚唔知點解流左出嚟, 想話你唔係同我講, 都好似冇乜理由話唔係............
好多嘢我都可以HANDLE得到, 就除左係呢樣嘢, 我承認我係一個失敗者, 永遠唔知點解一定係處於弱勢, 朋友同我講, 叫我堅強D, 就係係佢叫我堅強D嗰一刻, 我先知道原來自己係咁懦弱. 我成日叫自己比D勇氣出嚟, 但係可惜去到嗰個位, 我做唔到.
呢兩個幾星期, 我唔係咁想講嘢, 連電話都唔想講, 如果可以嘅話, 我真係想去一個冇人識我, 冇人搵到我嘅地方到靜下, 因為我真係好需要冷靜, 不過可惜唔可以!
其實我好怕係BLOG同FB寫出嚟, 因為我怕比人問我仲咩事, 因為我唔知點講, 而且唔想講, 我怕好多人關心我, 關心我唔緊要, 不過唔好要我答, 因為我自己都唔想答自己........
好多謝你用你嗰種形式嚟關心我, 因為好感動!
唔好諗囉,做其他嘢,等自己忙啲
回覆刪除[版主回覆12/20/2010 23:49:00]我係公司已經冇停過手, 番到屋企對住滕滕又係, 只係滕滕瞓左之後, 我有時間做自己嘅嗰時就會好 up sad~
保重呀! 滕滕好需要你O架! 放鬆D, 唔好諗得D事太複雜, 享受滕滕一路大個, 一路識嘢嘅日子啦!
回覆刪除[版主回覆12/21/2010 00:30:00]係........我諗嘢真係諗得好複雜, 因為我個性格係咁, 疑心好重..........
哈哈，你連個少少時間都唔放過，用黎up sad呀???你用呢少少時間去插花啦
回覆刪除