......

呢幾日唔想講嘢, 唔想聽電話, 因為個腦成日諗住張卡片.

姐姐打嚟, 唔可以唔聽, 因為佢已經第三日打比我, 所以講左一陣就收左線, 起碼唔使比佢問我仲咩搵唔到我!

而家, 一搵唔到老公, 個心就好急, 一聽到佢打番比我, 個心先定D.

好開心WINNIE, BEN & PAUL都好關心我! WINNE, 係我同佢講, 而亞BEN 同亞PAUL, 就係佢睇到我D STATUS 知我好DOWN就問我咩事!

開心就係, WINNIE 好擔心我, 今朝一打嚟問我心情點, 好D未, 叫我唔好諗咁多, 而亞BEN 同亞PAUL 唔使我主動打比佢地, 佢地已經FEEL到我好唔開心! 亞BEN 同亞PAUL 都同我分析, 佢地都叫我唔好諗, 因為男人出去滾都係好正常! 正常? 唔係卦! 我真係好唔想接受喎! 不過, 另一方面, 佢地都安慰同分析比我聽, 老公未必真係有出去滾!  

老公有時對我好正常, 有時我又自己諗係唔係自己太敏感, 不過我知道任何女人見到張咁嘅卡片唔敏感就奇.  三個朋友都講話我諗嘢好灰, 越諗越灰, 都未去到嗰個地步就已經諗咁多嘢, 冇唔開心就假啦, 但係, 我唔知點解我真係諗到咁, 因為真係每一樣嘢都係好負面.

我會唔會有抑鬱呀............?!