唔知點解，馮小姐知道我搵到工人之後，問左我一次就冇再問我個工人幾時到！
一同我ｄ朋友講起，佢地都會第一時間問我個工人到未啫，唯獨係馮小姐好似莫不關心！唔知係唔係我小心眼，我更係覺得佢好似唔知點咁！
講番佢搵工人，我就真係覺得好一個迷！因為有兩三個 oversea 比佢撰，其中有兩個都成40歲，而另外嗰個就29歲，佢老公一見到40歲嗰兩個, 就話成個亞婆咁, 話唔要, 但係29歲嗰個呢, 格仔就填1-6裏面(最想係做邊類型就填1, 第二想就填2, 如此類推), 湊bb係填左6架!
馮小姐問我覺得點, 我就話: 呢個擺明唔想湊bb喎, 佢撰到最尾! 你話d人醒到呢~ 我唔講, 馮小姐話佢都冇發現佢咁寫喎!!! 唔係呀化, 張張嘢, 個個工人都有架啦, 而且仲要係同一個agent比, 咁都睇唔到? 冇嘢嘛!!!
我一早都叫馮小姐早d睇架啦, 佢又唔聽我講, 但係我又唔明佢點解唔再睇多幾個喎, 因為佢話佢老公話決定撰29歲, 湊bb排第6嗰個喎!
馮小姐都有擔心架, 佢都怕個工人冇耐性對住亞b架, 所以打過比個agent同佢講過個工人撰湊bb係no.6, 唔係咁放心, 所以個agent 就話, 同佢問過個工人喇(過左一陣打番比馮小姐), 覆番佢個工人話冇問題喎!
其實我當時一知道個agent 咁快覆馮小姐, 就覺得個agent 老點囉! 跟本就係唔想馮小姐撰嚟撰去, 因為之前仲要同馮小姐講, d工人係咁"椅"寫之嘛, 所以!
唔知係唔係我真係一個麻煩人, 定係佢地係奇人呢, 我撰工人, 就最好一定鐘意湊bb先考慮, 仲要係生過, 自己湊過有經驗就最好喇, 但係馮小姐同佢老公, 就寧願撰個後生d, 話好體力d喎!
佢個老公嘅目的唔係湊B，係要個工人擔得抬得囉，呢家人，有排煩喇，唔知到時佢會唔會一時三刻都要請假添呀。
回覆刪除[版主回覆11/01/2010 10:28:00]我都覺得係有排煩, 係有排聽馮小姐講佢d煩!
而家我已經都覺得好煩, 日日都聽馮小姐講佢個女d嘢, 遲d仲要聽埋佢屋企d嘢!!!
哈哈，我送對地盤用嘅耳塞比你吖~~~
回覆刪除[版主回覆11/01/2010 10:58:00]天呀!!! 救命呀!!! 點解我條命咁架!!!
哈哈，其實係你人緣好，咁諗會開心啲嘛~~~
回覆刪除[版主回覆11/01/2010 12:44:00]真係除左佢, 我個個朋友都用個心嚟對我! 如果飛得甩, 我就一早飛左佢啦!
奇人囉, 正常一定睇到 priority choice架啦~
回覆刪除Agent 緊係話無問題啦, earn左錢最緊張, 唔洗同你再搵!
[版主回覆11/01/2010 12:49:00]將心比己, 如果比著係自己都會隨住自己想點去填啦!
個AGENT 又賤, 求其轉個頭就同佢講, 話個工人冇問題喎!