一向所有新朋友/舊朋友/好朋友都知道我係一個紫痴, 連寫字支鉛子筆都係紫色墨, 所以唔使多講都已經知道!
表妹, 自從佢係幾年前蒲番頭之後, 我同佢嘅關係都係一般, 因為其實我覺得佢都係仲未可以真正咁面對我, 尤其係知道我仲有同佢個仔仲有聯絡! 起初見到面都冇乜嘢講, 到左呢兩三年都好d, 都有閑謬, 而家, 就好似想扮fd!
我已經發覺左一段時間, 過時過節食飯前, 表妹都會click入我個blog到睇, 跟住到左食飯嗰晚, 佢就會懶 fd 咁, 傾計時就講話知道我而家點點點, 咩情況! 而係呢兩次食飯, 佢仲要著到成身都紫色, 衫、袋、鞋、斗蓬, 全部都係紫色!
係上一次食飯, 表姐個大女都係著件紫色 t-shirt 出嚟, 而表妹就專登同表姐個女講(即係佢家姐個女): "表姨(即係我) 可能都著紫色架, 所以我地會同佢一樣呀!" 而且仲要攪笑到佢自己個仔都要襯埋紫色 t-shirt! 食完飯表姐同我講番佢咁講, 我已經都覺得攪笑, 唔使咁吓嘛, 我咁多紫色衫, 你夠唔夠我嚟呀?!
點不知, 今晚同老豆 & 細佬慶祝生日食飯, 佢又係全身紫色, 我個心當堂諗 "唔通真係想同我死過???" 不過可惜, 尋晚我唔係著紫色喎, 係灰色, 而且表姐兩個女都係灰色, 係冇夾過都咁橋喎!
比我覺得, 表妹好似想同我 fd 咁, 佢好似鉋晒我個blog先出嚟食飯, 講襯嘢佢都好似好清楚我而家生活, 而且仲要做紫色怪魔(雖然我有時都係)! 其實我唔介意你著紫色衫囉, 不過就算想同我fd, 都唔使咁刻意吓嘛!!!
佢咁攪笑嘅?佢會唔會又係鍾意紫色咋?又或者佢會唔會專登買紫色衫比自己著架?
回覆刪除[版主回覆11/02/2010 10:37:00]我地由細識到大, 你估我知唔知佢d嘢吖嗱! 而且係fb到我咪都講過"成身紫色好似有d過份"呢句嘢嘅, 就係之後, 佢就咁喇!
你話佢唔係專登成身紫色我都唔信啦!
不過我又好相信同埋覺得 & 知道, 紫色又真係好靚嘅 !
喂!!!我都好鍾意紫色架 咁你有無考究過，仲乜無啦啦要討好你呀?
回覆刪除[版主回覆11/02/2010 11:51:00]咁我識嘅朋友, 唔止你一個鐘意紫色啦!
但係你又唔知道我表妹係一個不折不扣嘅長頭草嚟, 咁多年冇見, 佢好多樣嘢都改左, 唯獨係呢樣嘢冇改過! 每當佢想同你fd 嗰時, 佢就做嘢去討好你! 佢可能而家見佢家姐成日都有同我見面, 可能想埋堆, 咁咪做埋d無聊嘢囉!
仲有, 如果佢唔同我表姐個女講"表姨可能都著紫色架!" 都唔會顯得咁明顯囉!