今晚放工番嚟, 我問個工人叫佢比佢老公電話我, 佢問我咩事, 我就話, 如果你比人打到豬頭嗰時, 我可以幫你通知你老公, 又或者你比人捉左失左踪, 我都可以幫你同你老公講! 我講完, 佢就係到笑! 不過過左一陣, 佢就講左d簡直係痴九線嘅嘢!
工人: 大眾嗰條數(每個月要找三千一百幾蚊)唔係我用, 所以可以唔使還!
我: 你係貸款人, 乜你覺得可以咩!
工人: 你可以同佢地講已經抄左個工人, 咁佢地就唔會搵你!
我: 你當人地傻架, 人地可以check到入境處架! 你知唔知如果佢搵唔到你, 會去你家鄉搵你屋企人架?
工人: 佢地唔會架!
我: 一句講晒-唔可以!
工人: 我唔想還喇!
我: 如果你唔係用我地借去借, 我就唔理你還唔還! 而家你係用我地址去借, 就唔可以唔還! 因為佢地會上嚟搵你, 即係嚟我屋企搵你!!! 你冇問過我, 就攞左我個地址去借錢, 你有冇得我嘅 agreement? 如果冇, 咁你即係偷左我個地址去用!
個工人已經冇再回應我唔出聲, 因為佢跟本冇藉口再講!
尋日都已經覺得好奇怪, 點解個電話飛左線都仲可以打得入, 所以頭先我就試下打, 真係打得入喎, 聽下聽下, 原來個飛線比人取消左!
唔知點解會取消左, 老公話佢應該唔會識得吖, 但係我真係諗唔到咩原因會無啦啦取消左囉!
放心啦, 我決定今個星期六出去睇下d工人喇, 我好快就送你上路!!!
你個工人都痴架!借錢唔使還?佢有無病呀?我諗佢都係想你還呀!我咪話我之前有個fd好似你咁樣嘅!最終都係要我個fd還囉!你都算好彩响佢未走之前知道佢借人哋錢,如果借咗之後佢先走就真係麻鬼煩啦!你炒得佢架啦!
回覆刪除我諗佢所指嘅唔使還,係因為佢有朋友好似佢咁樣借咗錢一走了之,最後僱主頂唔順,就幫咗佢還,所以佢先咁大膽咁講嘢囉!
[版主回覆10/15/2010 10:49:00]如果抄左, d財仔仲上門搵,咁可以報警喎~! 同埋, 我又唔係好明, 都抄左啦, d財仔走上門都冇用架!
離晒大譜，但佢走咗之後，條數點呀?
回覆刪除[版主回覆10/15/2010 10:47:00]如果我抄左佢之後, 我又唔係好驚喎! 因為我會 fax完封信去入境處之後, 我就會通知嗰兩間財仔, 同佢講個工人想走數, 叫佢地快 d 係嗰邊搵人去佢屋企搵佢老公!
去報警都有排煩啦!
回覆刪除我個fd直情有財仔找上門呀!找咗好多次,佢覺得好煩,好困擾,又無覺好睡......跟住就幫個工人還咗錢啦!
[版主回覆10/15/2010 23:06:00]都抄左啦, 佢都上嚟仲乜啫, 如果都仲上, 佢地唔啱規矩喎!!!
不過如果叫我同佢比, 我就一定唔會, 叫佢死左條心啦!
但係, D財仔明知抄左都嚟攪嘢, 其實佢地都係局D僱主幫個工人比, 如果係咁, 佢上嚟, 睇我小唔小佢! 我唔會比佢出到呢個大廈囉!
佢傻架...快d抄...費事嚇到小朋友 >.<
回覆刪除[版主回覆10/16/2010 22:34:00]我而家搵緊喇!