唔捨得~

自己上個星期開始, 滕滕已經自己瞓覺喇, 所以我想曖佢都已經冇得曖! 唔捨得.............!

 

佢而家飲完夜奶之後, 佢就瞓係大人床瞓, 等到佢瞓著左我先抱番佢去BB床! 就係係未瞓著呢個moment, 滕滕d手手腳腳, 是但一樣都會掂住我, 例如佢會用個背脊"澤"住我, 有時又會用個頭頂住我, 有時又會同隻腳撐住我個肚, 有時又會用隻手揸住我塊面嚟瞓!

 

今晚當佢用隻腳踏係我條頸上面時, 聞到佢d味, 覺得好舒服, 因為抱唔到啫, 都仲可以聞到嘛~!

 

對住滕滕, 每晚都有無窮樂趣~!