我唔鐘意!!!

同家姐嗌左交幾年, 都係因為生左滕滕, 佢搵番我, 我地先開始有番聯絡!

 

上次嗌交, 係因為我家事, 佢要我去做一d我極之唔願意嘅事, 而且仲係要我一定要去做! 就係因為係我家事, 所以我一d都唔接受佢命令式嘅order! 結果, 就係我同佢講, "我係一定唔會做", 之後我就同佢反左面, 唔再聽佢電話!

 

而經過上一次嘅事之後, 佢都已經好清楚我份人, 係唔接受人地比order 我! 我唔介意意見, 我唔介意批評, 我唔介意勸告, 但係我極度介意用指令式去叫我做嘢, 但係如果命令我, 就 no way!

 

唔知係唔係佢慣左用咁嘅方式對佢屋企人, 所以聯絡番直到而家, 佢開始慢慢都係咁對我! 無論講仔, 講工人, 定係閑事, 一講到有唔妥地方, 佢就立即話你唔好比佢咁喎, 唔好比個工人咁, 一係就你要乜乜乜, 你要咁咁咁!

 

我明白佢咁講係出於好意, 但係我唔鐘意人用呢個方式嚟order 我~