有個同學做警察, 佢教我打嗰工人嗰一日, 就搵埋介紹嗰個agent 嚟到, 有第三個外人係到到證人, 因為佢有個伙計抄嗰工人嗰一刻, 個工人就係嗰一刻割自己隻手, 又整到自己個頭流血, 屈佢個伙計整佢, 攪到報晒警, 所以同學話, 避免麻煩我最好就咁樣做!
所以我尋日打比個agent 叫佢幫幫手, 但係個agent 第一時間就答我: "嘩! 你嗰到好遠喎!" 我個心諗八婆, 有幾遠呀, 你係青衣過嚟15分鐘左右, 有幾撚遠呀! 所以我就同佢講好遠咩, 青衣有van仔到, 15分鐘就到喇, 唔係好遠啫! 如果唔係要佢幫手, 我都唔會低聲下氣同佢講, 我搵你幫手搵工人嗰時, 我都係咁去你嗰到啦, 而家叫你幫下手就咁講嘢, 你話d人幾現實吖!
講左一陣, 佢就教我而家要開始搵個工人先喎! 搵工人先, 你想我再搵你幫手呀? 慳d啦你, 八婆! 之前個工人搵我借錢, 我打比你問你意見, 一d都冇, 一d都幫唔到手! 而家個工人借左咁多間財仔, 我又打比你, 問你意見你又話冇, 叫你嚟做見證人, 你又話遠! 仆街, 你仲想我比錢你賺, 真係發夢囉! 不過, 我一定話會啦, 如果唔係又點比你個希望你, 等你嚟做我見證人呀!
今日去左市中心搵左幾間僱傭公司, 佢地都話冇現貨呀! 大部份都話要等, 我星期一要出動喇, 睇下再搵下, 希望可以搵到啦!
不過, 搵到都未必好, 因為香港地, 都好多好似我屋企個豬西咁, 以為借左一走了之可以唔使還!
有第三者在場係好好多，不過穩陣起見，你可以影低成個過程，因為有D（百佳）A準倒返轉頭幫埋個工人去告僱主，更何況你個A準都好不付負責任，你要自保，就要小心D。
回覆刪除[版主回覆10/17/2010 11:24:00]未識搵個agent 嗰時, 我都諗住拍抵佢, 不過, 聽到你講之後, 就一定要拍喇, 費事比人捉蟲呀!
多謝你提醒!
你同個工人講炒佢時，你攞走滕滕先呀，或者放係你亞媽到先，又或者叫你亞媽入黎，帶滕滕出街呀。
回覆刪除[版主回覆10/17/2010 22:20:00]放心, 我會預備好一斉架喇! 多謝提醒 !
咁衰格都有, 冇下次喇!!!
回覆刪除[版主回覆10/17/2010 22:20:00]簡直係黑人憎啦! 收我agent 費嗰時又唔見佢話麻煩!
上次我用CAM影住正個過程, 費事佢發神經攪事.
回覆刪除[版主回覆10/17/2010 22:21:00]我都有諗過, 不過而家個cam 又short short 地喇! 如果到時個cam 有事, 我就用個相機喇!
收埋D刀刀义义安全D, 同埋唔好俾滕滕見到佢走, 滕滕會喊架.
回覆刪除[版主回覆10/17/2010 23:45:00]廚房門冇得鎖架喎!!!
係! 唔好比滕滕見到佢走, 因為會好大陰影!
總之唔好放係當眼處. 上次我係叫佢入佢房, 話有嘢同佢講時, 順手連廚房門都關埋. 我真係好驚架, 佢傷佢自己唔緊要, 唔好傷到我地就得喇!
回覆刪除[版主回覆10/18/2010 00:08:00]咁我諗冇咁恐怖卦, 佢都要番印尼會老公同個仔嘅, 除非佢唔想番去啦!
我上BK 睇, 佢地教如果冇人幫手, 可以試下叫管理員上黎幫手做第3者見証WOR...最好加埋VIDEO 啦!!
回覆刪除[版主回覆10/20/2010 22:53:00]VIDEO 多數一定會, 因為我費事比人屈嘛!
如果AGENT 嚟, 我都唔想煩到管理處喇, 因為早兩三年, 隔嚟屋隻痴線狗, 我已經嘈左管理處成年, 而家又搵佢, 個負責人可能會避開我架喇 !