個工人好似知道死期張至, 所以做嘢都好似心散, 而且又係咁比人追數, 所以我就更加覺得佢冇乜心機! 好多日都冇望過個工人, 不過前日望到佢, 就嚇左我一跳, 因為對眼dup晒, 又熊貓, 成個樣都好殘!
唔知係唔係我覺得個工人冇晒心機呢, 所以今日係個cam到見到滕滕自己一個係個廳到玩, 好似好孤獨咁~
唔知係唔係個工人冇心機, 所以佢連留意滕滕都少左!
唔知係唔係個工人冇心機, 所以佢連對住滕滕嘅耐性都少左!
唔知係唔係個工人冇心機, 所以佢連我講過話有d玩具唔可以比滕滕玩, 佢都話我冇講過!
唔知係唔係個工人冇心機, 所以佢同滕滕玩嘅時間都少左!
所以尤其係滕滕自己一個人係到玩嗰時, 我覺得佢好孤獨~ 我覺得好心痛............!
好正常...就好似你resign, 你o個一個月都唔會卜心卜命做...咁你啊仔都冇咩異樣/事情, 算啦好黎好去...:)
回覆刪除等你個新工人黎啦=)
[版主回覆10/23/2010 23:45:00]我冇出聲, 因為我都唔想再同佢講嘢啦! 不過, 見到個仔好似好慘咁啫~
有時我放熙熙係房玩, 見到佢背住我玩都會覺得佢好悶, 即刻走入房陪佢, 何況係你咁樣隔住個cam望到呀!
回覆刪除[版主回覆10/23/2010 23:48:00]所以睇見滕滕咁, 真係好心UP!
你小心睇住工人呀,唔知道佢會唔會對滕滕唔好呀!你唔想佢孤獨,咁你快啲生多一個來陪佢囉!
回覆刪除[版主回覆10/23/2010 23:49:00]唔係我想生就有得生架喇, 而家輪到我老公唔係好想生住呀!
你仲有無大假呀?有嘅話攞幾日留係屋企陪下滕滕啦，不過你又要預留假期，比新黎個工人時睇住佢喎。 你奶奶呢?佢話入黎架?入黎同個孫玩下囉。
回覆刪除[版主回覆10/23/2010 23:52:00]因為我之前放多左一個月產假等而家呢個仆街嚟, D大假已經攞到2012年喇!
所以我而家真係唔係好想再攞住,因為新工人嚟嗰時我一定要攞呀!
我奶奶! 唔再求佢喇, 佢今日打嚟話我老爺行都行唔到呀, 我點揹咁大條飛呀!
唔好俾個姐姐影響到你心情啦!
回覆刪除可能滕滕鍾意自己玩吓呢! 有時ANSON都係自己玩, 仲玩得好鬼開心.
一於開開心心等另一個有HEART嘅姐姐湊啦!
[版主回覆10/23/2010 23:54:00]而家呢個仆街, 我真係想即刻拍佢走呀!!!
我呢兩日唔使番工, 個心就好似想補番數咁, 同佢玩番夠本囉! 不過都好似唔夠咁!