點解日日都有人搵D嘢嚟攪我攪到我火晒滾架!!!
亞媽去佛堂去到走火入魔都已經唔係一件咩驚嚇事, 而且不嬲去佛堂都係大過天!
但係因為我屋企個工人件事, 我已經晨早講左, 如果個新工人到, 佢就要下半就入嚟同我睇, 咁我就可以唔使請成日假!
亞媽每年十月尾十一月頭, 佛堂都有D唔知咩法會係好緊要, 連續一個星期, 話唔去唔得喎! 但係因為我屋企個工人件事, 我已經晨早講左, 如果個新工人到, 佢就要佢LUNCH後入嚟同我睇, 咁我就可以唔使請成日假! 前日又講開呢樣嘢, 亞媽就話, 十月尾十一月頭嗰幾日, 就下午入嚟, 但係就早小小出去! 我一聽到就問亞媽, 咁你入一入嚟就出番去, 咁入嚟仲乜呀! 亞媽成日強調佢嗰幾日法會好緊要, 但係我真係好想知有幾緊要呀?????? 信仰呢樣嘢, 唔係緊要過自己屋企人吓嘛?????? 所以前日我就話: "你撰去佛堂定係撰個孫? 你自己諗清楚!"
今朝見到亞媽, 佢第一時間就笑笑口咁同我講: "我養到你咁大, 你而家威脅我?" 就係因為我前日同佢講, "你撰去佛堂定撰個孫" 呢句嘢嚟威脅佢喎! 我聽到, 真係好興!!! 我話我咁講, 對得住天同地, 連死左嘅亞婆我都對得住呀, 個工人D嘢唔知唔知吖, 個新工人幾時到, 亦唔係我control, 唔通個新工人到, 叫佢唔好嚟住咩??? 如果真係撞啱法會嗰幾日, 我都冇辦法架喎! 所以我就講: "如果你覺得去佛堂係重要D, 你就安心去啦, 我唔會阻住你, 所以由而家開始, 我唔使你入嚟幫我, 我亦都唔會再叫你入嚟, 我由而家開始, 同你絕交!!!"
我真係好想打電話去嗰間咁嘅死人佛堂到問下個主持人, 究竟佢地係咩邪教呀, 攪到我老母乜嘢都唔理!!! 乜佛堂唔係教人分事非黑白嘅咩????
如果你覺得去佛堂係重要D, 你就安心去啦, 我唔會阻住你, 所以由而家開始, 我唔使你入嚟幫我, 我亦都唔會再叫你入嚟, 我由而家開始, 同你絕交!!!"
回覆刪除同啊媽係無得絕交架. 一生一世同妳都係兩母女黎架. 傻人
[版主回覆10/28/2010 14:39:00]我知, 我更係知一世都係兩母女啦, 不過我今次真係嬲囉!
我又同你講個故事吖，話說，有家人，有爸爸媽媽同兩個女，兩個女都已經係大人黎架喇，結埋婚，有埋小朋友喇，一日爸爸仙遊咗......係殯儀館入面，呢兩個女，有帶孝，但無裝過香給已去世的爸爸，仲要大大聲同佢啲仔女講 : 我地係基督徒，唔可以裝香架，燒衣紙都唔得架......在場人士，個個都想走埋去，摑佢地一巴掌，摑醒佢地，究竟係你爸爸養大你，陪伴你還是你嗰個看不到又摸不到的耶穌養大你... 咁你話，係咪真係有人覺得信仰緊要過屋企人呢?!
回覆刪除[版主回覆10/28/2010 15:40:00]我知有乜用, 我老母唔知呀!!!
你將呢個故事講比你亞媽聽呀
回覆刪除[版主回覆10/28/2010 15:56:00]佢講極都唔化, 我唔講! 同埋, 我已經同佢絕左交喇!!!
唔好嬲唔好嬲，聽日無事架喇
回覆刪除[版主回覆10/28/2010 16:51:00]我! 聽日, 後日, 大後日, 大大後日, 都仲有事呀!!!!!!!