今日其實應該好開心, 因為識左廿年嘅朋友, 佢終於肯結婚!
以我識左佢咁耐, 都唔覺得佢係一個會結婚嘅人! 佢結婚, 就係因為佢知道呢個女人會係一個好老婆, 所以先同佢結婚!
今日, 我問佢開唔開心, 佢居然答我, 佢其實冇咩感覺! 切餅儀式之後, 就更係要咀下啦, 不過見到佢地kiss, 我呢個朋友居然唔係望住佢前面嘅女人, 而係望左去第二到, 仲要個樣係好唔耐煩嗰隻! 而坐係我隔離嗰位uncle都即刻講: 都冇目光交流嘅!
某個程度上, 我好等我個fd 開心, 因為有個女人唔係因為貪佢d錢而鐘意佢, 而係真心鐘意佢! 但係係另一方面, 我等呢位老婆有d唔抵, 因為個老公其實唔係好鐘意自己, 同佢結婚, 只係因為佢會係一個好老婆-即係所謂嘅賢妻!
我知道呢個女婆會好遷就我呢個朋友, 所以我真係希望佢終有一日可以打動到佢!
你個朋友個老婆咪好慘,嫁比一個唔係咁愛自己的人?真係希望你所講,有一日真係打動到佢老公的心啦!
回覆刪除今日我個朋友都係同你個朋友同一日結婚呀!但係成個過程都唔係太開心呀!因為遠,而來就係我比禮物&紅封包呢個朋友,連句多謝都無,只係掛住同人哋傾計,我心諗,你無心請我來嘅,就咪請我囉.
咁都未算呀!到走嘅時候,先留意到我&老公&bb的存在,當時bb仲哭得好利害,你知道佢走過來同我講咩嗎?"等多我一陣,留下來同我照張相啦"我心諗你唔係要我等你送晒所有人走先比我走架!我得,我個仔都唔得啦!我七點幾就到,到成十一點幾先走,咁耐時間你可以叫我同你照相呀,點解要走呢一刻先叫?
再者,我一點都食唔飽,成九點先開席,無嘢食之餘又開得慢,(我諗酒樓三千樓下都可以啦!)成日講費話,同照相,上上下菜又停下來再講費話,呢一刻點解唔叫我照呀?真係唔當我朋友呀!
[版主回覆10/04/2010 10:23:00]佢呢個老婆真係好慘架, 因為我呢個朋友衰到話跟本對佢一d愛意都冇, 一直以嚟都係冇! 如果佢唔係我個fd, 我真係鄙視佢架!
我就同你相反喇, 呢個party係我咁大個女都未見過架, 好好笑之餘仲好開心, 等我今晚post上嚟話過你知啦 !
係呢, 你呢個朋友係你d朋友嚟架? 有乜奶油你同你老公&囝囝一斉到佢都見唔到佢地架! 仲有喎, 你個囝係咁喊, 佢都仲好意思叫你等多陣?! 佢真係唔係好識做!
咁真係替個新娘慘啦!嫁比一個唔愛自己的人!呢個新娘唔知道新郎唔愛佢的咩?如果要我嫁一個唔愛我的人,我一定無可能接受到囉!
回覆刪除呢個新郎知唔知道結了婚就係夫妻,陪伴到老的夫妻,沒有愛意怎能一起生活呀!?
我呢個朋友係我以前間公司隔離單位的其中一個員工,因為成日去洗手間都見到佢,還有吃中午飯都見到佢,所以有時一齊食囉!就咁識到囉!我同佢唔係深交,有時我將我的事情講比佢聽,但佢就唔會將佢的事情講我聽,佢係好保護自己的人來架!佢其他的同事話我知,因為佢係靠人事關係入去呢間公司的,而且佢去到呢間公司,做壞晒公司的規矩,人哋收五點,佢就六點先走,人哋放工之後唔會再額外去幫公司做事,但佢就做!佢早上遲到無人敢話佢,但其他的同事就無咁的優惠!所以....................總之她以後有任何的請飲我都唔會再去啦!
我交禮物佢的時候,當時我同老公一齊,佢無可能見唔到架!只係佢唔識得做,連句多謝都無呀!我個囝自昨晚回來.今日就不斷吵個不停,又唔食嘢,係咁嘈吵......連睡也睡不好............早知道就唔去啦!
[版主回覆10/05/2010 10:12:00]你都算係咁啦, 唔係咁熟都一家大細去! 我只有出席好朋友婚宴我先出動埋滕滕架咋! 類似你講嗰類型朋友, 唔好講話飲, 食飯都要諗諗!
我個fd擺明就係自私啦, 佢個老婆跟本就可憐! 我自問就做唔到好似佢老婆咁, 嫁比一個唔愛自己嘅人, 兩個kiss嗰陣, 我個fd都冇住佢, 我都唔明點解世界上有d咁嘅女人!
佢只因為知道呢個女仔會係一個好老婆, 所以先同佢結婚 → 乜呢個係 point 咩？我好唔明點解個女仔可以月接受到一個男人唔係因為愛自己想照顧自己一生一世先會同呢個人結婚嘅 ？真係乜人都有… 希望個女仔可以打動到呢位老公嘞！
回覆刪除[版主回覆10/05/2010 23:26:00]跟本都唔係point 嚟架啦! 所以我都希望我個fd有一日會打動到佢!