因為見到熙媽煲左雪梨水, 又見到張雪球煲埋d 咁鬼滋潤糖水, 所以我就"的"起心肝喇!
星期五, 我買左鴨咀梨, 加左雪耳、南瓜、川貝落去燉! 嘩~ 好好味, 滕滕飲左兩日呀, 仲要係一飲上口, 就唔肯放開個杯喇! 原本自己都想飲d嚟潤下, 不過見到又唔想飲, 想比滕滕潤多d喎, 所以我就決定唔飲佢喇!
因為冇得飲雪梨水, 所以我就買左隻雞嚟整燉湯喇! 燉湯, 真係幾鬼煩, 因為我係煲左d雞湯出嚟, 跟住先將雞湯燉冬蟲草, 即係要最少要整兩次! 不過尋日一起身, 就有小小頭痛, 燉雞湯好似唔係好啱我飲, 不過其實我最主要目的, 都係整比老公飲啫, 因為佢虛過我, 所以唔飲都得啦, 最多下次囉!
整左咁多嘢, 自己一樣都冇飲過, 突然間, 我發覺自己有"媽媽的影子", 因為d亞媽通常做一大爛餐都唔係整比自己, 而且整比d屋企人! 死啦, 點解我好似一個老人家咁嘅???
肯為妳愛既寶貝附出, 係正常. 同"老人家"無關係架嘛?
回覆刪除加上, 哩D野都係女人做架啦. 有幾何? 個男人會走入kitchen煲野妳飲喎??
唔係無既, 少d囉. 我見過一個. 係我舊上司既老公. 見個老婆ot, 佢走去燉燕窩比佢食.
[版主回覆11/01/2010 15:09:00]我真係想試下我老公煲嘢比我飲囉!
不過我諗都幾難, 發夢就可能有!
滕滕飲唔飲得晒雪梨水呀?你都飲返碗嘛傻豬!!!
回覆刪除[版主回覆11/02/2010 10:38:00]我燉嗰個雪梨好細個啫, 唔怕, 因為當佢飲少一次開奶茶囉!
我都想飲, 不過諗住比佢潤晒嘛!
咁下次煲多啲啦
回覆刪除[版主回覆11/02/2010 11:53:00]每次唔可以煲太多, 因為個"鐘" 會滿瀉!
你不如買大少少個燉盅喇, 反正功夫都係咁多, 唔好次次都冇自己份喇!!
回覆刪除[版主回覆11/02/2010 16:43:00]唔得呀, 大個小小, 又放唔到落去個智能煲到呀! 就算放左落去, 就好難先攞到出嚟!