因為大姑姐教左幾十年書, 所以尋晚約左同姑姐食飯問下佢有關學校嘅嘢!
係閒談當中, 講及滕滕之前咬sofa、膠墊嘅嘢, 姑姐就同我講滕滕咁樣係有問題, 因為滕滕都已經成歲半, 好多嘢都明白, 既然我講過咁多次唔可以咬, 但係佢仍然咁堅持去咬嘢, 咁自我中心, 就係有小小自閉問題!
番到屋企, 我同老公講我有小小擔心, 但係老公同我講, 佢跟本就唔覺滕滕有問題, 因為滕滕有同我地溝通, 有同其他人溝通, 有同其他小朋友玩, 有反應唔會唔應人, 其實各方面都好正常, 唔覺佢有問題!
今晚番屋企同亞媽亞爸食飯, 我就講左呢件事出嚟, 老豆話, 滕滕有過度活躍性佢就信, 有自閉就一d都唔係!
滕滕咬膠墊、sofa, 我一向都覺得佢係貪玩, 因為佢係望到我地望到佢之後佢就咁做, 個樣仲好似貪得意咁, 越叫就越做, 專登吸引我地注意!
因為姑姐尋晚咁講完, 所以我今日好留意滕滕嘅言行舉止, 睇落, 我又唔覺得有咩問題吖! 但係我希望可以搵方法去做測試, 因為我都想知道滕滕咁樣做, 係因為佢百厭定係佢真係有小小問題.............
咁個個獨生仔女都有自閉問題囉???
回覆刪除[版主回覆10/02/2010 14:37:00]但係我真係有小小驚驚地喎~
歲半就知有問題?有無咁快呀?
回覆刪除不過我都上網幫你搵咗啲資料
http://the-sun.on.cc/cnt/lifestyle/20100512/00485_004.html
[版主回覆10/02/2010 14:55:00]多謝你D資料呀, 佢裏面講有三個特徵: 1)固執行為, 2)言語障礙, 3)社交障礙
基本上滕滕3個特徵都唔算有, 不過我姑姐教書教左咁多年經驗, 佢對小朋友理解都算唔少, 所以小不免我有D擔心!
Emm...你姑姐有冇小朋友呀?教緊幼兒園?而家D小朋友同以前分別好大喇~
回覆刪除我個bk媽咪同我share而家興讀2間幼兒園...一間國際方便入讀心儀嘅小學, 一間平民嘅就當補下習咁...你話呀, 係咪黐線架?以前邊有呢D野架???
[版主回覆10/03/2010 15:08:00]我姑姐教緊小學架, 佢有兩個仔, 兩個都結晒婚架喇! 我聽到佢講佢d學生, 不同嘅問題都有, 而佢咁多年嘅經驗, 佢教左個學生一段時間就已經察覺到有問題, 不過, 我又咁諗, 佢都未見過滕滕, 只係聽到佢咬嘢咬得咁犀利, 所以佢先咁估啫~
而家有d家長真係痴線架囉, 如果自己個小朋友真係叻, 就唔使攪咁多嘢, 如果係蠢, 就讀極都讀唔到啦!
喂喂喂！我隻臭豬之前去到 13-14m 都仲好鍾意放啲玩具入口咬，後來上 playgorup 個導師話見到佢哋咁唔 say no 亦唔好 ignore 佢，佢話小朋友都會反叛；越叫佢哋唔好做，佢哋越做 … 後來我真係跟住個導師所講，2 week 後臭豬明顯少擺嘢入口 … 你 try try ar
回覆刪除[版主回覆10/03/2010 15:02:00]自從換左張新sofa, 佢已經冇乜咬喇, 可能佢知道係新嘢, 覺得靚靚, 所以咬sofa 就已經冇喇, 而咬膠墊, 佢比我罰過佢企同扭耳仔之後都已經少左...........
其實滕滕而家聽到我講唔好咬XX, no呀, 佢都會自動放手, 只不過有時曵咁笑住嚟再咬啫~
不過我姑姐咁講, 少不免有d擔心.........
嗰D家長諗住有學卷唔駛錢咪俾佢哋讀埋囉, 搵人看都要錢喇!
回覆刪除