好多人呀~

今晚表姐上嚟食飯, 再加埋上次帶我去搵AGENT 嗰個表姐個朋友都一斉嚟埋!

嘩~ 幾鬼熱鬧! 4個小朋友再加4個大人, 成間屋都好耐冇試過咁嘈喇!

瘦田冇人耕, 耕開就有人爭! 表姐唔玩, 滕滕就唔玩, 表姐玩, 滕滕又要走埋去玩!

因為表姐個FD帶埋個女上嚟, 而且又同表姐嗰兩個女一樣咁大, 所以好自然佢地3個就一斉玩, 攪到滕滕好似冇人理佢咁! 不過滕滕都唔弱, 見佢地玩緊, 又走埋去搶, 但係佢地又唔讓佢, 攪到你又爭時我又爭, 都幾好笑!

因為今晚又係痴左線嘅一晚, 所以滕滕唔知又會唔會發惡夢呢..........?!