我今晚, 發現左個秘密!!!
一向以嚟, 我叫滕滕叫我媽媽嗰時, 佢就叫左爸爸! 不過, 個工人講過, 我番左工嗰時, 工人姐姐教佢叫媽媽, 滕滕係有叫過, 係識叫, 但係為何咁多個月以嚟, 我叫佢叫媽媽, 佢就叫左爸爸呢? 我真係以為爸爸同媽媽個音差唔多, 所以佢咁耐以嚟應我叫爸爸, 我都覺得佢係叫我!
今晚我夜左番, 一番到嚟以為佢已經瞓左, 點不知佢係黑暗當中由房走出嚟! 所以見佢仲未瞓, 我涼都唔沖, 就入房同佢瞓左先! 因為今晚夜左番, 冇乜抱過滕滕, 所以抱住曖嗰時, 我又同佢玩講疊字! 我講飯飯, 佢就講扮扮, 到第二個我講軒軒, 佢就講衣衣, 跟住我就再講媽媽, 佢就: "媽........爸爸!" 講完就自己係到奸笑!
哼~ 你條o靚仔, 原來你一直係到玩嘢!!! 我跟住又再講多幾個疊字, 跟住再講媽媽, 佢就又再一次奸笑咁跟住講爸爸, 爸爸, 爸爸!
呢一刻, 我先至知道, 原來由始至終, 你一直係到整鬼我, 你都算衰喇!!!
無奶油咁細個就咁古惑嘅
回覆刪除[版主回覆10/30/2010 11:04:00]佢真係講完個媽字未叫爸爸就已經笑左出嚟喇, 講完爸爸就笑得仲奸, 好似知道比我sin左佢咁呀!
同埋, 係我番左工, 我聽到個工人教佢叫媽媽架, 而佢第一次識叫"媽媽"嗰時, 我一番到屋企個工人都第一時間話比我知佢識叫我喇, 同埋, 我有一次都係個cam到聽過, 所以我一早知佢係識叫, 但係諗極都唔明點解我叫佢叫佢就死都唔叫之嘛! 可能我平時比佢嘅反應係: "哎呀, no爸爸, 係媽媽呀! 媽me比你激死喇(係笑住同玩住咁同佢講)!"
所以尋晚之後, 我先至知道, 原來我比人玩左好耐!
佢應該似妳..... 咁古惑
回覆刪除點不知佢係黑暗當中由房走出嚟! <<< 可以想像哩個情況. 好sweet, 同埋佢應該係鄧鄧吓咁行出房.
[版主回覆10/30/2010 11:07:00]我一d都唔古惑, 我只係機警啫 !!!
你點知架, 佢真係鄧下鄧下咁出嚟呀!
比自己個仔玩，哈哈哈
回覆刪除[版主回覆10/30/2010 11:16:00]咪就係, 仲要係玩左好耐!
真係好好玩架. 我朝朝問ANSON爸爸呢? 佢明明知道爸爸瞓係床, 佢都笑笑口指住張結婚相, 好好玩架.
回覆刪除[版主回覆11/01/2010 10:16:00]係佢覺得好好玩嘛!