今日放工番嚟, 居然收到第三間財仔寄比個工人嘅追數信!
我問個工人係邊間, 佢就答我佢個朋友尋日已經同還左喇, 講到好似又係幫人借咁!
你放心, 今時今日, 我已經唔會再信你! 同埋, 尋晚我同老公都已經決定左送佢一程, 尋日就去AGENT到搵過個工人!
所以我知道有第三間財仔追佢數時, 我已經唔想再鬧佢, 因為嘥晒我D口水!
個豬兜D朋友同佢講, D財仔係唔會係印尼搵佢D屋企人佢以為係真, 所以想走數!
哼~ 未免太睇少我地D香港人喇! 諗住真係以為冇事呀? 只要用下個腦諗下, 如果人地真係搵唔到你印尼嘅屋企, 佢點會無啦啦借咁大嚿錢比你呀, 76!
仲有, 唔好諗住我會怕煩同你頂左佢, 因為如果你咁諗, 就唔只係76, 仲要係戇 9! 因為我一拍你走, 我就會通知入境處, 跟住仲會通知埋D財仔話你想走數, 叫佢地即刻搵人係你印尼屋企搵你老公, 等佢地唔會再攪住我!
所以路係你自己搵, 死係你自己掘!
送佢一程啦!
回覆刪除[版主回覆10/16/2010 17:53:00]一定會!!
呢排要小心睇住工人點樣對滕滕呀!
回覆刪除佢地既心理好難明白!
[版主回覆10/16/2010 17:53:00]我已經叫左亞媽同奶奶入嚟幫手喇!
記住，炒佢要即炒，唔可以比任何一個機會佢報仇，尤其你有囝囝係佢手。 小心D呀。
回覆刪除[版主回覆10/16/2010 17:54:00]我都知, 不過我今日去睇過, 冇乜現貨呀!!!
@@....咁快d 趕佢走 ....太唔安全了
回覆刪除[版主回覆10/16/2010 17:55:00]見佢耐D 都唔想啦, 所以我都想即刻拍佢走, 但係今日去睇過幾間, 冇現貨呀!
我都唔明佢哋點解會咁大駛 @@ 同埋佢哋借錢，究竟啲用途去咗邊呢？好彩佢無問到你借錢咋
回覆刪除[版主回覆10/17/2010 11:22:00]我諗佢地唔係大洗, 應該係借左D錢嚟放數出去!
我知道呢個印冇錢還之後, 要用晒成份量去還財仔之後, 我就問佢係唔係放假應該冇錢出街架啦, 佢就答我都有嘅, 我問佢點解, 佢就話佢有借錢比朋友, 我再問多佢幾嘢, 佢就攞本diary 出嚟計, 話比我知有兩三個人爭佢錢! 你都唔知, 就係呢到加加埋埋, 都借左成4千幾五千蚊出去!
只係嗰兩三頁紙就已經有四五千, 其他佢冇打開嘅, 可能都唔止呢個數!
講真, 我都冇借四五千比人啦! 你話佢借錢番嚟走去放數比人有幾出奇啫!
佢真係好沙膽 ！借財仔啲錢去放數 ！
回覆刪除[版主回覆10/17/2010 11:53:00]所以你話佢地呢D人幾戇居吖!!! 以為借左錢唔還番印尼就乜事都冇!
唉！真係知話佢哋單純好定係佢哋唔知世途險惡好 @@ … 祝佢好運
回覆刪除[版主回覆10/17/2010 22:34:00]佢唔知世途險惡, 咪比佢試下比d財仔搵去佢屋企囉!
等佢地一個二個都咁鐘意借錢吖嗱!
佢印尼個地址會唔會係假，所以佢咁老定呢?
回覆刪除[版主回覆10/17/2010 22:33:00]係passport 個地址嚟架, 段估都唔係假架啦!
比著係你, 你申請個passport 出國做嘢, 會唔會報假地址吖!
仲有喎, 佢地咁辛苦搵錢都係用嚟起屋, 唔好同我講佢地話搬就可以搬呀! 所以你話佢地係咪豬西吖!