呢幾日, 我打電話問過好幾個人, 包括 1)我表姐, 佢成日都會見到D有問題兒童, 弱能、自閉之類嘅小朋友, 所以我同佢講左滕滕嘅情況; 2)我小學亞SIR, 佢啱啱舊年先退休冇教書, 以佢資歷, 拍得住我姑姐! 3)我朋友個老婆, 因為佢讀過兒童心理學, 佢對於自閉兒童呢家嘢都有認識!
問完佢地三個之後, 基本上得出結論, 就係滕滕應該唔係自閉兒童!
佢地分析比我知:
1)滕滕會同人溝通, 有眼神交流, 有互動!
2)滕滕聽指令, 有服從性
3)滕滕自己坐多一陣係同一個位, 都好似有嘢咬咁, 走都走唔切實
4)滕滕明白我地所講嘅嘢, 理解能力冇乜問題
5)自換左張sofa 之後, 滕滕知道係靚靚, 都已經冇再咬; 而膠墊, 滕滕比我狠狠咁罰過之後, 而家都冇咩再咬過!
只係以上咁小嘅嘢就可以知道滕滕應該唔係有問題!
所以安落左D喇, 不過如果可以有專家/地方可能再進一步去測試, 我都會去安排一下!
咁就安樂晒唔水擔心嘞 ！
回覆刪除[版主回覆10/05/2010 23:07:00]但係嚇一嚇, 真係命都短幾年呀!
好野! 有覺好瞓喇!
回覆刪除[版主回覆10/05/2010 23:51:00]都係架! 安落多好喇!
你唔好咁喇, 若果滕滕係有自閉症嘅話, 我諗熙熙一定早過滕滕有囉~
回覆刪除熙熙好多時都唔肯聽我嘅指令, 對我講嘅野好多時都唔理, 自己顧著做自己野, 固執到不得了, 但如果得我同熙熙2個係屋企, 佢就會好少少囉!
[版主回覆10/06/2010 09:22:00]熙熙同滕滕都玩過下, 我地兩個都應該唔係囉, 如果唔係, 點會爭波波呀!
滕滕同熙熙都一樣, 係街到/有其他人係到, 就寧舍唔聽話, 就好似你上次嚟我樹咁, 滕滕都係叫極唔聽, 而平時呢, 佢就ok嘅! 所以可能個個小朋友都係, 一有人係到就會放縱d!
可能因為我對滕滕惡, 又大聲(真係幾惡架), 所以滕滕某個程度係怕我, 同埋佢又更加可能怕我罰佢企呢~!
你個滕滕有自閉?一定無可能呀,你睇下佢幾開心活潑,邊道似有自閉呀?
回覆刪除講起聽指令,我個囝都好少聽我講,成日都好難教,有時我罰佢企住唔准佢坐架!佢飲奶又要放腳在枱那兒,佢食咁耐我老公就話佢咁耐,但都唔聽,當飲完成支奶先肯放下腳來,真係激死呀!
相反我覺得你教滕滕教得好好呀!起碼佢好多嘢都聽你講,咁就証明佢無問題啦!
[版主回覆10/06/2010 09:41:00]可能我惡死(真係好惡架), 所以滕滕都肯聽我講啦, 而且就好似罰佢咁, 我真係堅持要罰佢, 唔會因為佢攰, 或者喊得好淒涼就心軟, 罰佢都要罰到底! 咁當然滕滕第一次都會好似你個囝咁唔理我, 行開左去, 但係我就真係唔會放過佢, 又"的"番佢去原位罰企, 仲不斷咁鬧佢唔准再行開, 佢先至可以好似而家咁真係企定嚟罰企!
其實你個仔都仲係細, 佢可能呢個年紀未必知道你所講嘅嘢, 所以你唔好咁快就罰佢, 一陣嚇襯佢呀, 你要觀察下, 睇下佢認知你所講嘅嘢有幾多, 當你發現佢明知故範, 專係向住某一個人嚟做, 咁即係代表你係時候開波喇!
同埋, 我聽過一個長輩講過, 教佢地一定要"堅持"囉, 如果我地成日心軟, 佢地就會知道我地係可以"恰"架喇!
嗱! 以上意見, 純屬個人心得嚟架 !
你不如問下以上幾位，有無專業人士介紹比你仲好啦
回覆刪除[版主回覆10/06/2010 11:32:00]佢地有講比我知可以係邊到check! 我會上網再睇下架喇!
同埋亞sir 搵左好多條link比我係講關於自閉架!
咁快就咁多野擔心, 咁你有排擔心架喎....
回覆刪除唔好唸得太多
[版主回覆10/06/2010 14:18:00]如果唔係, 點會有句說話: 長憂99吖~