尋晚番到嚟, 見到廚房煲左煲西洋菜湯, 所以等埋老公番嚟, 等佢飲番一大碗, 但係老公話佢下午番工之前已經飲左喇!
臨瞓前, 我老同我講佢早幾日買送, 個工人叫佢去藥材鋪買一樣嘢, 一個波, 黑色嘅! 老公抓爆頭, 乜嘢一個波黑色呀??? 跟住個工人攞滕滕個細波波出嚟話係咁上下size比老公睇! 哦~ 原來個工人叫老公去買羅漢果!!!
尋晚番嚟, 個工人就攞左個羅漢果煲西洋菜! 個工人有時真係好醒, 佢知道乜嘢打乜野, 仲要會有時係適當時候就做適當嘅嘢! 因為老公瞓到半夜咳, 所以佢就整左煲羅漢果西洋菜湯!
就係因為佢呢d咁嘅長處, 所以好多嘢我都唔會擔心佢攪唔掂! 雖然佢好醒, 不過可惜我已經搵左個新工人!
都係佢自己攞嚟嘅, 唔駛鄧佢可惜呀~
回覆刪除[版主回覆11/01/2010 10:30:00]其實我真係好易心軟架, 每當佢做左一樣好嘢, 我都個心諗, 好唔好原諒佢呢, 因為其實佢都好慘!
但係每當佢左一樣衰嘢, 我就好想即刻一腳申佢走, 唔想再篤眼篤鼻!
希望新工人有齊呢個工人嘅優點啦^^
回覆刪除[版主回覆11/01/2010 10:31:00]新嗰個講左冇咁識得煮餸架, 所以呢方面唔係咁得, 要比d時間囉!
唔緊要啦，買本食譜比佢囉!!!都係印尼人呀?
回覆刪除[版主回覆11/01/2010 11:01:00]我都係諗住買食譜比佢呀! 呢個都係印尼人嚟!
喂, 你個BLOG, D食譜幾時出英文版呀??? .....
英文版無用架喎，要印尼版先得架喎，我返屋企搵晒啲印尼文食譜送比你啦!!!最緊要叫佢學識煲湯先~~~
回覆刪除[版主回覆11/01/2010 12:50:00] , 喂喂喂, 我講下笑咋!
好可惜，我係對你認真的 咁你有需要就搵我啦
回覆刪除[版主回覆11/01/2010 14:04:00]好! 咁我先先要多謝你咁認真! 跟住又再一次多謝你咁helpful!