今日下午, 問個工人條數找左未, 佢第一次答我話佢個FD晏D買餸先去比, 四點幾問佢第二次, 佢話搵唔到佢個FD! 今晚番到嚟我再問佢點, 佢話佢搵唔到佢個FD!
我問佢, 你咁多親戚朋友, 又表姐又表妹, 你咪問佢地借囉, 佢地一個都唔借比你咩?! 佢居然答我係, 佢地話唔會借比佢; 跟住我又再問佢, 你借咁多錢比咁多人, 而家你有事, 佢地一個都唔幫你呀? 唔係卦, 個個睇住你死都唔借比你, 我唔信囉! 佢跟住就答我, 佢地話冇錢喎!
個工人話睇下呢個星期日可唔可以問人借到錢喎, 老公聽到, 就問佢, 點解佢地而家就話冇錢, 星期日就有錢呀? 跟住個工人唔出聲!
亞姐, 你而家洒我呀?! 你唔好當我傻仔啦, 你係唔係想放 pair, 等我忍唔住同你還喎!
我今個星期六, 就會去agent到睇下d工人, 我好快就送你一程喇!
開頭仲以為你搵到個好姐姐添. 原來都係不知所謂.
回覆刪除[版主回覆10/14/2010 23:36:00]唔好話你, 我都以為係! 原來都係垃圾一名!
一係唔好出糧比佢，用出糧啲錢還債得唔得呀?問下agent吖
回覆刪除仲有唔好比佢放假啦，分分鐘再借去冚數呀
[版主回覆10/15/2010 10:54:00]第一, 勞工法例, 我唔可以唔出糧/扣佢d糧嚟還錢!
第二, 勞工法例, 我唔可以唔比佢放假, 每個星期最少一日!
因為佢有條大數, 所以我照出糧比佢(入落佢戶口), 跟住就即刻夾佢去轉脹還左條大數先!
同埋, 我同佢講, 我唔係唔比你出街, 如果你冇錢出街, 我都幫唔到你!
佢無錢出街而又出街，咁佢咪又借囉
回覆刪除我見有僱主可以唔比工人放假，比錢就得嘅
我又見過啲僱主，放工人平日，等佢無咁多朋友引誘佢
[版主回覆10/15/2010 11:51:00]我而家就係諗住如果想出街, 就問佢d朋友借, 唔好問我喇!!!
係可以比錢佢唔好放假, 但係唔正規架!
係可以比佢放平日, 但係平日搵亞水湊滕滕咩!