上個星期已經同亞媽亞爸報左團11月去旅行喇! 今日同細細佬講開電話, 佢問我究竟夾幾多錢! 係之前係我出團費, 而兩個細佬就比錢佢地去飲飲食食嘅, 但係今年我就唔知d團費預唔預埋佢地兩個, 因為我呢兩個月d錢真係洗得好金, 而家仲要加埋要抄個工人, 所以真係窮到褲穿洞!
細細佬知道我而家個工人咁, 又要洗一大筆錢, 所以佢話團費預埋佢喎! 不過我又講, 橫又洗掂又洗, 都唔差幾千蚊, 我都預左括出去喇! 講完之後, 細細佬就話入五千蚊比我, 尤得我點安排喎, 我冇錢就扣番團費剩抵比佢地去玩又得, 如果我想比晒佢地又得, 總之就我想點就點喎! 而且再加多句, 家姐得一個, 唔係用錢去計嘅, 如果我真係冇乜錢, 就等佢去分擔下喎, 因為亞媽都係得一個啫!
嘩~ 聽到個心都甜晒! 不愧我咁錫呢個細佬!
你呢個細佬真係抵錫, 係重要嘅時刻就會行出嚟幫手!!
回覆刪除[版主回覆10/20/2010 12:20:00]呢個細佬有時又真係好好嘅, 不過一叫佢出嚟食飯係會見到d親戚, 佢打死佢都唔制, 比佢激死我架!!!
巧感動呀)))
回覆刪除[版主回覆10/20/2010 12:21:00]有冇d(好)女仔朋友介紹下, 佢冇拍拖架!!!
都有嘅，不個細佬注唔注重外表架?
回覆刪除[版主回覆10/20/2010 12:57:00]普普通通啦, 咁就更係唔好太唔掂啦~
不過唔知佢肯唔肯我咁樣介紹比佢呢........?!
我物色下吖
回覆刪除[版主回覆10/20/2010 16:00:00]好好好!
係咪冇拖拍先唔肯見D親戚呀???
回覆刪除[版主回覆10/20/2010 22:38:00]有冇女朋友, 都唔會見D親戚!
因為1.細佬唔鐘意班親戚, 唔想應酬; 2.細佬唔鐘意我老豆, 所以老豆D親戚一既都唔會見!