有冇聽過?

據我所知, 藥材係唔可以放係鐵煲、鋁煲、銻煲、不锈鋼煲到煲, 最好係用瓦煲煲!

馮小姐就嚟生, 所以佢買左嘢係公司煲, 但係就用電飯煲煲! 我一聽到, 我就覺得好奇怪, 因為馮小姐話只係煲水啫, 所以唔怕用電飯煲煲喎!

我: 煲水? 咁放唔放埋d藥材落去架?

馮小姐: 放架!

我: 咁即係唔係煲水啦! 如果放埋d藥材落去都仲叫煲水, 咁如果真係淨係煲水, 咁叫煲咩呀?

馮小姐: 亞XXX佢話唔怕架, 佢話煲水之嘛!

我: 咁我又真係覺得一個迷, 咁D藥材, 係唔係可以唔使放水落去煲架?

馮小姐: 哈哈哈哈, 咁如果煲藥材就更係一定要放水落去煲啦!

我: E, 咁請問你嗰包嘢, 係唔係藥材鋪買架? 

講完我都唔想再睬佢, 樣樣嘢都要死撐, 我只不過同佢講, 如果你問一千個中醫, 我好信相呢一千個都會同你講最好同瓦煲煲任何嘅藥材囉! 既然你要用電飯煲煲, 我當然唔可以阻止你啦, 唔通我要好似教仔咁迫你咩!