原本打算今日去科學館玩, 但係時間好緊迫, 再加上今日老尖會封路, 所以就改左去濕地公園喇!
呢條友仔, 去到冇耐就已經high到爆, 不停咁叫同笑!
行多兩行, 仲唔比我地拖, 死都要自己行, 但係行斜路又唔夠平衡跌左係到! 雖然跌左係到, 但係居然冇喊喎~
今日滕滕好開心, 可能我地好少時間同佢出去玩, 所以佢係公園開心到暈, 不停咁跑嚟跑去, 仲要叫佢都唔睬我地, 自己想行去邊就去邊!
去完公園, 我地就去左公公婆婆到食飯, 因為太耐冇去喇, 所以原本想去爺爺嫲嫲到都唔去喇! 今日只係瞓左半個鐘到, 而且仲玩左成晚, 滕滕一 d 都冇扭計, 今日真叻仔!
熙熙咪又係咁, 每次放佢出門口就開始癲, 成隻甩繩馬騮咁~
回覆刪除佢哋而家有得玩就乜都得, 唔食唔瞓都冇問題!
[版主回覆10/02/2010 16:00:00]唔食唔緊要, 唔瞓就唔得啦, 你都知佢地唔瞓會發癲架~
係呀! ANSON都係出街就玩到傻, 當晚仲唔肯瞓添呀!
回覆刪除[版主回覆10/02/2010 14:34:00]佢尋晚都醒左兩次呀, 玩到癲過頭呀~
有得玩就唔瞓喇...
回覆刪除[版主回覆10/02/2010 14:35:00]咪係囉, 叫極佢瞓一陣再玩過都唔肯!
你件衫好靚呀，係邊到買架?
回覆刪除[版主回覆10/02/2010 14:35:00]多謝喎~ 你荃灣南豐買架!
佢哋唔瞓都真係迫唔到, 只可以等佢自己冧~
回覆刪除[版主回覆10/03/2010 15:12:00]我冧佢都未冧呀!!! 你唔係唔知嘛 !