今晚好朋友結婚, 閤府統請, 所以老公都要一斉去!
不過, 老公對我呢個朋友其實一d 好感都冇! 因為我呢個朋友係佢去英國讀書之前追過我, 但係我當時冇接受到, 因為一嚟好似唔啱feel , 二嚟佢當時都就嚟去讀書囉, 仲學咩拍拖啫~ 跟住到呢個朋友讀完書番嚟, 同佢細佬兩個就攪左間補習社, 而家仲越攪越大!
可能男人自卑心作怪, 見到曾經追過老婆嘅男人而家咁有境, 所以一聽到佢係邊到擺酒, 都要彈三彈四, 又話我講到佢咁有米都係邊到擺, 又話我好封咁大封人情!
我都唔明! 呢個朋友追過我, 我唔接受, 人地都唔介意同我繼續做FD, 你咁介意仲乜喎, 如果我係鐘意佢就當時已經接受左啦! 仲有, 我識左佢咁耐, 唔係要我封兩個人一千咁核突嘛, 你叫我第時點面對我呢個朋友呀!
臨走時, 我個fd同我老公講話第日一斉食飯, 因為我個fd之前已經都講過叫埋老公一斉出嚟, 不過老公係揸車走嗰時就同我講: 仲咩要食飯呀, 都冇嘢講!
我真係唔明, 可唔可以大方d呢????!!!!!! 我地結婚時, 佢單拖都係咁嚟飲, 而家佢結婚, 你係唔係等我朋友開心呢~
男人係咁架啦!有時比女人仲要小氣呀!依家仲係要追過你的男人,如果係我老公,就連同佢做朋友都無可能,我老公係一個都好小氣的人架!但係佢成日話自己大方架,比佢激死呀!
回覆刪除其實你老公都係緊張你啫!都係好事架,証明你係佢心中的分量!
[版主回覆10/04/2010 10:12:00]佢緊張我? 佢都不知幾咁老定!!! 佢從來唔會怕我會走左去!!!
就係因為我呢個朋友大方, 我唔接受佢, 佢都繼續同我做朋友, 所以我老公係唔係應該要大方d呢~
呷醋王
回覆刪除[版主回覆10/04/2010 10:15:00]佢從來都唔會呷醋喎! 我未生之前出街飲酒飲到3/4點佢一d都唔會打比我架喎, 又唔會過問我, 就算我同我d男性朋友食飯, 佢都冇問一句架! 佢都不知幾老定, 從來只有我問佢, 佢係唔會問我架!
你真係好彩冇揀佢, 如果唔係就........
回覆刪除[版主回覆10/05/2010 09:56:00]大家係女人, 都明白安全感呢樣嘢好緊要啦!
不過, 佢追我嗰時都已經係N件前咁耐, 嗰陣時D年紀都唔係咁認真啦!
你老公真係由得你點就點喎!其實應該講佢係好相信你好呀,定係唔理你好!?
回覆刪除[版主回覆10/05/2010 10:04:00]我識左我老公咁耐佢都係咁, 就算啱啱識嗰時佢都係, 佢比好大空間我!
反而我以前識左有一個男人, 未拍拖就已經問住我係邊會去邊, 攪到我好大壓力, 跟住仲怕左佢! 未拍拖都已經咁, 咁拍左拖我咪大 0 樂!!!
我性格有D似男人, 唔係好鐘意比人管住、唔鐘意比人問長問短, 問我去邊係邊到幾時番我就最唔鐘意, 所以我都唔係好介意我老公唔打比我, 尤其我夜晚出去玩嗰時 ! 如果你識得我耐, 你就知道我點解唔係好鐘意生女, 因為我最怕人煩!
所以你就最怕x媽
回覆刪除[版主回覆10/05/2010 15:27:00]醒目!!!!!!!!!!!!!!!!!!!!!!!!!!!!!!!!!!!!!
男人係咁架！有時我啲朋友响我老公面前提起我個 ex；我老公都會面燶燶架 … 呢啲咪叫 "男人" 囉 hohoho
回覆刪除[版主回覆10/05/2010 23:25:00]小氣咪就係男人囉 !