我已經講左九萬幾次, 我話比亞媽知, 叫佢 lunch 之後, 唔好打比我講閑謬(真係好無謂嘅嘢), 因為我 D 客, 係係我地lunch之後先番工, 但係講左十九幾萬次都係咁!
尋晚打比細佬, 叫佢今晚最好早d番去, 因為我想佢幫我教下屋企嗰兩老點樣用個相機, 因為佢地星期四就出發去旅行喇! 不過, 細佬話唔得, 佢係唔會幫我, 因為細佬叫我算, 唔好再嬲亞媽!
我講過, 我最少都同佢絕交兩個星期, 因為我今次真係嬲, 係我最需要佢幫我嗰時, 佢居然話我要脅佢喎! 同細佬閑談間, 亞媽話我係公司好得閑, 都唔使做, 咪請假囉!
我真係好想知, 乜原來間公司我開架??? 就算係我開, 咁我係唔係唔使做, d 生意同客會自己走上門嘅呢???
真係有苦自己知!!! 亞媽只係逢星期一、三、五朝上午係我公司, 其餘時間我做d乜, 有冇做嘢忙唔忙, 佢一既都唔知, 滕滕飲完夜奶之後, 我係屋企都仲覆緊客d mail, 佢又知唔知? 我唔做, 請問d單點嚟架?
我公司有幾多人, 邊個同客開單, 佢唔係唔知, 咁如果我真係唔使做, 我食屎食左好耐喇!!! 咁既然我冇嘢做, 咁我邊有家用比佢呀??? 唔通我賣身搵d錢番嚟呀???????????
超低能. 乜野絕交兩個星期啫. 真心既絕交係唔係要個細佬教佢整相機囉.
回覆刪除擺明仲深愛對方啦.... ^^
[版主回覆11/03/2010 09:06:00]我何止叫細佬教佢用相機呀, 我尋日仲畫埋圖, 寫埋步驟落張紙到驚死佢兩老唔記得呀, 你話我愛得佢幾深吖!
真係愛得越深, 恨到入骨呀!!!
嘩!!!絕交都有時限呀?兩個星期邊夠呀，起碼都兩年起啦 兩個星期，睇怕都去完旅行返黎咯!!!
回覆刪除[版主回覆11/03/2010 10:01:00]如果嗰個係我老豆, 絕兩年都少喇, 亞媽絕唔到咁耐呀!
始終係自己媽咪, 點嬲得落呀~
回覆刪除[版主回覆11/06/2010 22:47:00]嬲唔落都要嬲一陣啦, 今次真係好興架!!!