今日滕滕成day 都扭計, 雖然佢冇講, 而且都唔識講, 我feel到佢扭計要舊工人!
成day, 滕滕都要黐住我, 雖然肯同個新工人玩, 比佢餵食飯, 但係都要我係側邊! 好彩五點幾老公番左嚟, 如果唔係夜晚我去沖涼都唔走得開喇!
個心唔係好開心滕滕扭計, 因為我覺得佢知道個舊工人已經冇左, 知道係廚房煮飯唔係以前個姐姐, 知道此情已不再! 滕滕唔開心, 我都唔係好開心, 所以就算有新工人到左, 個心都唔係好開心!
呢幾日, 等個新工人同滕滕玩多d, 希望滕滕可以快d唔記得個舊工人...........
唔知點解, 今日成day 我個腦好多時都出現滕滕尋日番到嚟見到新工人個表情, 好疑惑...........好無奈................, 滕滕個樣總之就好古怪, 就算平時見到我d朋友, 佢個樣都唔係咁.............!
BB好返淡望嘅，同個新工人玩一排先啦，始終由一出世就對住個舊工人，點都有少少感情啦~~~
回覆刪除[版主回覆11/20/2010 16:21:00]我都知道會好快淡忘, 不過都要時間囉, 滕滕而家都仲係有小小唔開心...........!
滕滕好快會習慣架, 唔洗擔心!
回覆刪除新工人會日日對住滕滕, 好快滕滕就知道佢會日日陪佢玩,
好像以前既姐姐一樣,
好快忘記之前既事, 最緊要新工人唔會有古惑,
對住滕滕係悉心照顧! 滕滕會Feel到的, 不會厭棄怕佢!
[版主回覆11/20/2010 16:24:00]擔心係擔心滕滕有傷害、唔開心, 我已經張件事嘅傷害減到最低, 唔比滕滕睇住個工人執嘢走架喇, 但係我FEEL到滕滕有唔開心囉~