就嚟要番工, 所以我今日由頭一次講過比個工人聽, 要做D乜, 要點做, 叫個每個STEP寫抵!
尋日就反眼, 因為好多佢都好似唔係好記得, 而且好多常識佢係唔識, 所以費事有D咩嘢發生, 唯有清清楚楚講一次!
講開又講, 佢話佢之前係新加坡同係HK都係湊BB, 唔使做家務, 所以佢一聽到咁多嘢做好頭暈; 我問佢係新加坡做辛唔辛苦, 佢都話唔辛苦, 因為都只係湊BB, 一聽到我就真係頭暈喇, 因為原本諗住佢係新加坡做過先嚟HK做, 就最好啦, 因為新加坡出名係做到隻狗又冇假放, 但係呢個新工人同我講佢只係湊BB, 唔使做家務, 咁即係可能佢會覺得係我呢到做會好辛苦! 再加上佢之前嗰個雇主只係做左6個月就自己話唔做, 因為有太多工人唔想嗌交, 所以我覺得佢都係撰人嚟做!
我唔想佢做幾個月就話唔做呀, 大佬! 一陣我又要辭工唔做我就唔得你死喇!
我啱啱識到個朋友係做agent架，如果你有需要搵我吖，不過希望呢個唔會唔要你啦~~~佢年紀好大架?
回覆刪除[版主回覆11/23/2010 22:36:00]佢得24歲咋, 我起初擔心佢怕辛苦會再撰, 不過星期日同佢傾計, 佢話佢之前個雇主先生, 成日"hou"佢老婆番夜班就搵d女人番嚟屋企攪嘢, 而且仲想攪佢潻, 所以我諗佢想唔做就係呢個原因囉!
跟住尋日收到一封信係比佢, 佢比我睇, 係佢要比嘅 agent fee, total 要 $9,000($3,000/月), 佢話佢已經比左一期架喇, 一共全部要 $12,000! 我睇完之後, 佢話好貴, 所以我諗佢未必又要搵過卦!
嘩!!!要咁貴架???
回覆刪除[版主回覆11/24/2010 23:59:00]因為佢之前份 contract 未完要出境, 所以個agent fee 貴過完左約再搵雇主呀!