今日, 原本諗住唔使番工, 但係尋晚個客 send 左個mail 嚟話要改提單, 所以今朝十點幾就番左公司整嘢整到點半就番屋企!
如果有時光門就真係好喇, 好心急想快d番到去, 因為個工人今日下午死期到, 我安排表姐3點幾嚟接走滕滕, 4點個agent 上到嚟, 跟住5點半個新工人到! 不過因為表姐遲到, 成四點三先到, 所以我要個agent 都唔好咁早上嚟, 費事打草驚蛇!
其實我都唔使多講, 一開波我就同佢講你應該知道咩事, 你睇一睇張receipt 有冇問題, 如果冇計錯數就簽番個名! 個工人好快就睇左一次就話ok喇, 我問佢係唔係都預左我抄佢, 佢都話係! 更係啦, 一次又一次咁, 邊個可以忍呀!
佢臨走, 我同佢講如果你真係想走數, 唔好話我唔驚告你, 因為d財仔去到印尼搵你的話, 到時你賣地賣屋都唔掂, 你好好照顧自己喇! 講完個工人話多謝我, 同埋唔好意思, 跟住應該流左兩滴(咁多)眼淚!
係嗰個moment, 我同老公都覺得我地咁做好似好殘忍, 因為佢當時真係好似好慘, 但係佢而家咁, 係佢自己一手做成!
送完個舊工人走, 就落樓接個新嘅上嚟! 呢個成日都好好笑容, 希望佢ok啦! 因為滕滕都肯比佢抱! 不過當滕滕係表姐到玩完番嚟見到個工人唔同左, 佢好似知道咁, 因為佢定左眼望住個新工人幾秘..........!
希望個新工人湊滕滕ok啦!
滕滕可能有幾日唔慣, 之後一定OK. 你放心啦! 工人始終係工人, 就算佢冇錯, 到完約, 你都要轉另一個, 早D接受新工人啦!
回覆刪除[版主回覆11/19/2010 23:09:00]我接受好快, 我怕滕滕接受唔到..........!
呢個幾好呀，雖然蠢蠢地，不過咁樣夠，最緊要湊到仔....
回覆刪除[版主回覆11/19/2010 23:10:00]希望軒軒遲d肯跟佢啦!
新開始
回覆刪除[版主回覆11/19/2010 23:42:00]又再一次由頭嚟過就真!
好野, 有個新工人~~~
回覆刪除[版主回覆11/19/2010 23:43:00]好野就好野, 不過由頭再嚟過就好煩呢~!
事情終於可以告一段落了...
回覆刪除[版主回覆11/20/2010 15:08:00]希望可以啦! 不過唔知仲有幾多手尾呢~
好囉好囉，終於都送佢一程～ 唔洗可憐舊工人，佢自己攞嚟。 希望你個新姐姐可以好好地做啦，請工人真係好鬼煩～
回覆刪除[版主回覆11/20/2010 15:08:00]簡直煩到爆啦!