我好驚

今晚老公番到嚟, 我偷睇佢個証件包, 發現佢有一張卡片，係時鐘酒店嘅卡片，我好驚，我唔知點算，我喊左出嚟！　

我問老公點解有張咁嘅卡片，佢話係人地比佢，我唔信，因為冇可能，我問極佢，佢叫我唔好亂諗嘢，我好驚，我一直懷疑嘅嘢，係今晚發現左！

我一直喊，老公不停咁安慰我，話唔係，係冇嘢，佢冇做過Ｄ咩！我心中，係有Ｄ安慰，因為佢仲係想要呢個家，如果唔係佢唔使同我講唔係，叫我唔好亂諗嘢！

我同老公講我好驚，我唔知點做，我唔知我做錯左Ｄ咩事點解會咁，點解佢會係出面咁做，不過老公答我唔係我所諗咁樣，跟本係冇嘢！

我而家唔知點算，因為我覺得老公係到講緊大話，但係老公就死口唔認！

我唔想離婚，我唔想冇左個老公，我唔想冇左個屋企，我好希望唔想再發生，我唔想老公再係咁，我唔想老公做對唔住我嘅嘢，我唔知可以點做。。。。。。

老公，你仲愛唔愛我？