個新工人就嚟嚟喇, 所以要諗下今個星期五好唔好同而家個工人找左條大數先!
因為星期五三千幾蚊條數又到期喇, 如果我同個工人找左先, 到時同佢埋單時扣數, 呢個方案我就得係好嘅, 因為起碼佢走左之後, 呢條數唔會有機會比財仔追! 其實就算到時個工人真係想走數, 財仔真係追到嚟, 我只係SEND番我比入境處封信比佢, 話比間財仔知佢已經走左喇, 咁應該都唔會有D咩問題!
但係另一方面, 如果我唔同佢找, 我估個工人到時抄左佢都唔會還呢條數, 多左三千幾蚊著草帶番去印尼, 起碼走得都開心D, 唔使少左三千幾蚊糧! 因為比著係自己, 比人抄左, 都想攞多D錢走啦!
但係如果我真係唔同佢找, 到時D財仔真係去到印尼搵佢, 利疊利佢都幾大獲, 到時真係可能害左佢!
但係到時我抄左個工人, 可能佢會諗明知都就嚟抄佢啦, 就唔好同佢還左條數, 少左成三千番印尼啦, 可能到時佢憎死我都有之!
正路應該係同佢找左佢嘅, 因為就算我FAX D 嘢去財仔到, 可能到時財仔都會打嚟搵佢一段時間, 呢下都好煩!
所以我諗應該係同佢找左好似好D~
我始終覺我要對自己做過嘅事負責任，還咗錢先啦，啲財仔真係無人性架，第時上門嚇親滕滕就唔好啦!!!
回覆刪除[版主回覆11/11/2010 10:34:00]唔怕一萬最怕萬一!
財仔真係無人性架,要小心d!
回覆刪除[版主回覆11/11/2010 23:46:00]知道, THX!
幫佢找左佢, 再係人工扣係最好~
回覆刪除呢d 唔心軟得架!
萬一追到埋身就煩! 你到時煩到爆, 日日拍門點算.......
[版主回覆11/11/2010 23:46:00]係! 係! 係! 到時追到嚟就真係煩!!!
其實不如問吓佢，同佢分析吓話佢知有好多都追到印尼架，等佢自己決定，若然佢都仍然要走絶路的話，都無佢辦法，至於財仔，你fax封信去，應該會好d....叫新嚟個個執生囉
回覆刪除[版主回覆11/11/2010 23:49:00]話佢知財仔會追到去印尼--> 我已經一早講左喇! 佢都冇有怕咁, 而且仲好肯定咁同我講"唔會架"! 我都同佢分析過, 唔通你地一個二個係HK借左錢一走了之就冇事喇, 咁HK d 銀行食屎呀, 你唔好當d HK人係流架! 講左, 佢都仲係覺得唔會, 所以我唔會再同佢講架喇!