似我喎~

原本今日真係諗住唔番工架喇, 因為怕個工人攪唔掂, 而且尋晚又失眠, 直到今朝成四點先瞓著!

不過今朝滕滕起身飲完奶又嘔番晒出嚟, 所以晨咁早就同佢去卦号, 不過都要成十點半先有得睇, 真係人都癲! 睇完dr 番嚟問個工人需唔需要我留多一日係屋企, 佢就同我講佢都想試下, 咁我見佢都有信心, 所以我都想比佢試下!

今晚番到屋企, 滕滕變左喇, 見到佢同個工人close 左, 冇之前咁怕, 同埋我番到去一開門, 佢同之前一樣咁係到大叫嚟歡迎我, 一睇到, 真開心!

小朋友適應力都幾強, 比左半日時間佢就已經唔同左喇! 唔通滕滕呢樣嘢似我???

不過唯一幾大獲, 就係呢個新工人唱歌走音架! 滕滕聽到之餘, 我係公司都聽到! 最慘就係佢周不時成日都係到唱佢d走音歌, 好惡頂呀~!!! 我好怕滕滕第日學埋佢咁走音或者以為佢咁走音法先係啱咁就大獲喇!!!