馮小姐就嚟生喇, 我問佢買左鹿茸未, 佢居然答我佢冇諗住買, 因為成二三千咁貴!
我真係一臉茫然! 佢寧願係私家開刀生, 洗成4萬蚊都唔寧願唔捨得買補品比自己食!
如果問我係唔係必然食補品, 我都覺得唔係, 因為以前亞媽年代d人咪又係冇錢買補品, 不過如果有4萬蚊去生仔, 咁點解唔預多幾千蚊買補品比自己食落肚!
馮小姐係咁講d鹿茸好貴好貴, 要成2/3千蚊一隻, 所以我就忍唔住問佢, 乜你唔知生仔係好多錢要洗嘅咩?! 就係坐月嗰個, 買雞都唔係一個小數目啦, 如果唔想咁貴, 咪撰細隻d囉, 人人都話坐月要補, 邊有人坐月話唔補架!
既然咁堅持係私家生, 我真係好唔明點解預多二千蚊比自己買補品食落自己到都唔想囉!
我都唔明佢點諗喎, 補身真係好重要, 唔食鹿茸都要叫佢食多D有益嘢, 唔好慳呀!
回覆刪除[版主回覆11/11/2010 00:17:00]佢開刀用錢已經計住計住架喇，所以我估佢唔想再用錢囉！
不過我都同佢講，既然都已經預左條數開刀啦，仲咩唔預多小小錢買補品比自己食呀，仲要係食落自己肚！
你唔問佢仲乜有錢係私家醫院開刀生，無錢買補品比自己食?寸下佢吖嘛，等佢以為自己好威咁。
回覆刪除[版主回覆11/11/2010 10:30:00]我都有問佢呢個問題! 佢衣衣俄俄冇答我, 只係係咁講話2/3千蚊好貴!