尋日DR打左比老公, 原來老爺爆左血管! DR話老爺咁大年紀, 好番嘅可能都好低, 再加上又有柏金遜, 情況都好難好, 只可以做下物理治料! 咁即係番左屋企, 奶奶都好難照顧到老爺, 所以入老人院都係遲早嘅事!
因為又未入老人院, 但係又唔可以番屋企, 所以今日DR就轉左佢去看護嗰邊, 而我諗都要係呢邊一段日子!
奶奶係之前講過, 如果第日老爺走左得佢一個人係屋企, 佢會好驚, 係嗰時, 我就答佢唔使怕, 到時就同我地一斉住囉! 因為奶奶得我老公一個仔, 而兩個姑奶, 一個就........第二個呢........, 我都唔知點形容佢地, 總之就未必會同奶奶一斉住, 所以我諗一斉住都係遲早嘅事!
奶奶同我講完呢番說話之後, 我同老公講佢亞媽話怕自己一個人住, 咁我就話不如第日真係發生, 咁就賣左我地而家同奶奶而家間屋, 換過一間大D一斉住囉! 老公聽完冇反對, 不過就話: "你肯我大家姐都唔肯!"
乜我咁諗好唔正路咩??? 如果唔賣樓, 邊有錢換過層大D架???? 換過層大D係唔係唔使供架??? 乜我似想謀住奶奶D錢咩???
唔賣樓, 唔搵過層大D係唔夠住, 咁就唔使一斉住, 咁唔緊要, 到時睇下奶奶出唔出聲囉! 如果奶奶唔出聲話同我地一斉住, 咁我地咪唔使同奶奶住囉! 一係不如咁啦, 睇下大姑奶有冇本事氹奶奶賣左層樓, 換過層大D佢地供養奶奶囉! 如果奶奶係唔想同我地住, 佢唔使同我講佢怕自己一個人住啦, 又唔見奶奶同大姑奶講呢番說話!
咁邊個出聲反對，咪叫嗰個人同老人家住囉
回覆刪除[版主回覆11/04/2010 11:44:00]我係老公屋企係最細, 冇發言權!
就算佢大家姐反對, 我都唔會即時出聲, 我只會走左先講!
如果你真係同佢住,你奶奶應該都唔係太難相處架!
回覆刪除[版主回覆11/06/2010 23:08:00]我奶奶好就得人, 佢好識做, 唔會太煩!
不過, 講真, 邊有人鐘意同對方屋企人住架, 更係自己一家好啦, 不過如果真係要, 我都唔會出聲話唔好, 因為我第時都會老架!