女人真係記仇..........男人都係!

馮小姐尋日問我, 佢下個月擺滿月酒, 問我同老公去唔去得!

我記得, 我地結婚嗰時, 佢仲未同佢老公相會番, 佢地兩嚟都冇嚟飲; 我記得, 滕滕擺滿月酒, 佢地已經見番面, 而且嗰日佢地去影結婚相, 影完都冇嚟飲!

我同老公講馮小姐話請我地飲滿月, 老公第一時間就話: 我地結婚, 佢地冇嚟, 滕滕擺滿月, 佢地都冇嚟!

有D嘢, 我真係好小氣, 真係! 你敬我一尺, 我敬你一丈, 呢句嘢, 係我做人嘅中旨!

我結左婚 9 年, 我當佢地兩個當時冇相認番, 而且我同馮小姐交情冇咁深, 唔嚟, 我明白!

但係, 滕滕擺滿月酒, 馮小姐因為我, 佢先可以同佢而家個老公相認番, 而且當時我地已經一斉做左嘢, 日日對住左3年咁耐, 係我自己認為係一個大日子, 佢地兩個都唔嚟, 我係唔可以原諒!

我今日打番比馮小姐, 話老公嗰日要番工, 所以我唔嚟, 佢地似有D失望! 滕滕擺滿月, 佢地都唔嚟, 唔好車望我地都會去飲佢餐滿月酒! 因為我同老公好記仇!