老公早幾日同我講問左佢亞媽, 如果第日搬出去同佢住好唔好喎! 我問老公仲咩無啦啦講開呢D嘢, 佢話佢亞媽同佢講話一個人好悶!
我個心諗, 奶奶就更係話好啦, 邊有老人家唔開心架, 自己仔女主動話同佢住, 而且仲有孫玩!
其實講真我就真係冇咩所謂, 不過我就最怕奶奶不停咁同我講嘢! 奶奶一同我講嘢, 就好似唔停得咁, 不停咁講講講, 我又唔好意思叫佢停, 而且有時放工都想抖下架, 唔通仲要應酬埋佢咩!
不過, 另外有樣嘢係好嘅, 就係可以幫我睇下滕滕, 但係有樣嘢唔好, 就係D老人家心痛我地鬧佢地D孫而出手加出口! 呢樣嘢就最煩爆!
咦? 妳唔介意 仲要只係覺得佢太長氣. 咁ok喎.
回覆刪除好少新抱肯咁做架喎.....good
[版主回覆11/23/2010 22:27:00]如果唔係一個太黑人憎嘅老人家我都頂得順嘅!
係啦，最怕奶奶係你耳邊不停講嘢，我嗰個好似拜神唔見雞咁，一直講講講，有次我忍唔住同奶奶講，你可唔可以靜啲呀?佢話:我都無嘈，噢賣葛!!!原來佢唔知自己講梗嘢架
回覆刪除[版主回覆11/23/2010 22:30:00]我奶奶可能冇乜人同佢傾計, 所以一見到我就不停咁講嘢, 但係講嚟講去都係嗰D嘢, 有時都唔係好想應佢架, 不過算啦, 佢而家一個人又真係好悶嘅!
你奶奶意思即係佢講嘢, 並唔係係到嘈緊! 呢D情況, 叫你老公叫佢收聲啦!
佢都唔知自己講梗嘢，不斷有把聲係你耳邊嗡嗡嗡，嘩!!!嘈到我頭都痛埋，我對耳有特別靈敏，少少聲我都聽到~~~
回覆刪除