真係好想爆粗囉! 一睇到, 度火去到而家都未熄呀!
12點幾同老公出左去睇D窗花啫, 番到屋企, 個工人就問我個電視點解變左紅色喎!
今次真係好滾! 有乜理由搵車車落個電視到架! 唔使問, 我都要佢罰企扭耳仔, 今次罰左45分鐘! 同埋,所有車車都立即沒收!!!
今晚表叔生日食飯, 都係帶埋佢出去, 而家, 帶埋佢去真係過唔到條氣, 所以佢冇得去街!!!
頭先10點番到嚟, 一入房滕滕都仲未瞓著, 咁我就叫個工人番佢自己房, 等我同佢瞓, 點不知佢話, 我要姐姐!
咁我問, 即係唔要我, 要姐姐係唔係?! 佢條友仔居然答係, 佢要姐姐!
聽日, 又要去買電視喇! 唉~ 係唔係比多一日我好過都唔得架!!!
嘩!! 好傷 wor!! 你個銀包 ~
回覆刪除[版主回覆01/15/2012 23:07:29]直頭精彩啦! 簡直人都癲呀~!!!
有咩可能架車會掟得爛部電視呀?有無咁大力呀?你睇返屋企cctv未呀?
回覆刪除[版主回覆01/16/2012 17:14:51]所以, 個工人之前比佢咬到瘀晒黑晒, 呢住又比佢個頭撞到個咀爛晒囉~
[林林回覆01/16/2012 16:41:01]呢個力度，殺得死人
[版主回覆01/16/2012 16:24:49]我估, 佢唔係專登車落去, 而係用d無程力車落去架!
個仔好硬頸!! 明明自己唔啱. 媽媽唔帶佢去街. 佢返黎仲咁串地: 我要姐姐!!!!
回覆刪除咁你點??有無好hurt?
[版主回覆01/18/2012 12:14:18]hurt架! 不過都仲要慢慢同佢解釋囉! 有排講!
罸得多佢可能覺得係習慣....
回覆刪除