轉左, 不過好似唔係好得!
因為日本地震, 所以食晒滕滕之前買落嘅奶粉之後, 就要轉香港奶粉喇!
轉左隻香港雪印, 我都只係買細罐裝, 因為怕滕滕唔食或者唔適應!
星期日已經開始夜晚轉食新奶粉, 我第一樣擔憂真係出現左, 滕滕次次食襯都話好辣! 佢話辣, 就即係唔好食! 呢幾夜又要氹又要叫, 又要抱住佢當BB咁餵奶, 佢先肯食大半, 話比佢知佢唔飲, 就會比工人姐姐飲晒, 佢都寧願唔要!
唔通, 真係要轉過另外一隻??? 平時有咩新嘢食, 佢都會試, 但係新奶粉, 點解唔多like嘅??? 好難明!
可能真係好難飲
回覆刪除[林林回覆01/16/2012 16:43:29]但係個廣告話增強免疫能力喎，唔係維他命
[版主回覆01/16/2012 16:17:18]其實佢有食魚肝油, 又有維他命糖食, 又有橙, 又有奇異果, 阿華田都有維他命架, 所以我都唔明, 點解病嚟病去都唔段尾咁!
[林林回覆01/16/2012 15:55:05]我之前同你講過，咪有個廣告za za za嘅，原來係康鈣C黎架，增強小朋友的免疫力
[版主回覆01/13/2012 16:21:09]我都飲過, 唔多覺有咩唔妥, 咪又係奶味!
吉仔都唔肯食香港雪印架,而家都係食friso
回覆刪除[版主回覆01/13/2012 16:22:45]咁我等佢食晒呢細罐就轉下你嗰隻先!
阿仔飲香港雪印, 不過, 幾個月飲到依家。
回覆刪除我有個朋友同你個 case 一樣, 轉飲香港雪印, 個女情願捱餓都唔飲。真係咁難飲???
[版主回覆01/13/2012 16:24:55]滔滔一開波就係, 係未試過有其他選擇之下, 所以佢接受係好正常!
而家, 我隻豬仔, 飲左一啖之後, d眼耳口鼻就走埋一斉, 個樣出嚟, 係話比我知, d奶極度難飲!
原來咁大個都仲需要飲奶奶? 我以為佢可以用維他奶頂上呢... (上次去西貢見你地飲維他奶)
回覆刪除[版主回覆01/14/2012 22:36:35]有D小朋友飲奶飲到6/7歲架! 而維他奶, 只係好似可樂咁~