今日, 又帶住3個耆英出發去旅行喇- 大澳+大嶼山!
今次同3個耆英去, 比上次好好多喇, 可能行程短啦! 首先叫左奶奶入嚟我地到一斉搭車去東涌, 跟住就直接約我屋企嗰倆老直接係東涌等!
未到大彿, 老豆話嗰到有齋又有雜食叫, 唔使樣樣都係齋咁悶, 但係落左車, 一路沿住大佛嗰邊行!
就係沿住大佛嗰邊行, 就LAI嘢喇~ LAI嘢喇~ 因為亞媽帶我地一路行過去, 去到原來嗰到係全齋宴架! 感覺上, 就好似比一個好親嘅人厄左, 入左一個困局! 未落車都講話可以叫齋食又可以叫雜食就好囉, 亞媽聽到明知都帶左我地入去個齋地方, 仲唔係比人厄左, 好hurt呀!
好似好好味咁囉~ 不過, d嘢好淡唔多好食, 又冇得選, 段人頭計, 每位$65, 即係呢餐三百幾蚊, 幾鬼搵苯呀!
食完, 就入左大澳行喇! 嘩~ 多人多到吖, 幾鬼似出左旺角呀!
想影張相都好辛苦, 要等幾耐, 先可以影到張合照呀!
大澳有d地方又真係幾舒服嘅, 得閑去行下都唔錯, 不過話時話睇落, 有d似長洲囉~!
老豆之前叫過幾次話入大澳行架, 我知佢地d老人家更係想同滕滕去下玩啦, 所以見老公咁啱放假就一斉去下喇! 再者, 我唔想老公第日話我只係理我自己亞媽唔理佢亞媽, 所以就叫埋奶奶一斉去喇! 其實咁樣都幾好, 因為叫埋雙方家長去, 起碼有自己亞媽係到, 我同老公都唔會覺得唔自在囉! 而且佢地3老又相處得ok, 咁就very good 啦!
係大佛入面，邊有雜食食呀?呢間餐廳已經係好食架喇~~~
回覆刪除[版主回覆01/13/2012 16:26:29]咁, 你等退休啦! 哈哈哈哈!
[林林回覆01/12/2012 17:22:29]以我性格，我會唔去，哈哈哈
[版主回覆01/12/2012 12:09:17]咁你要等你平日放假, 或者第日退左休平日先好去行下喇!
[林林回覆01/09/2012 15:19:42]係，我好怕好人嘅地方，我會感到呼吸困難
[版主回覆01/09/2012 14:21:17]咁去呢d地方, 都係想relex下啫! 不過, 一去到就見到咁多人, 仲唔係乜mood都冇呀~!
[林林回覆01/09/2012 11:38:55]比你咁講一講，而家開始無mood,哈哈
[版主回覆01/09/2012 11:10:42]我原本都係咁想架, 不過一去到, 嘩~ 即刻咩mood都冇晒!!!
[林林回覆01/09/2012 09:59:32]哈哈哈，其實我想少啲人囉，哈哈哈
[版主回覆01/06/2012 23:42:46]GOOD! 又再一次感受下有幾多人!!!
[林林回覆01/06/2012 14:55:14]我遲多個星期都要去
[版主回覆01/06/2012 14:22:27]我估可能放緊假都係咁多人架!
[林林回覆01/06/2012 11:16:47]我真係唔明，點解大澳成日都咁多人?啲小食又出名，排隊都排到傻
[版主回覆01/05/2012 23:15:23]去到大澳, 實在太多人喇, 跟本都唔想久留, 而且佢有船直接番屯門架, 尾班係6:00, 所以我地番到入屯門先食飯呀!
[林林回覆01/05/2012 15:31:18]去得呢啲佛門清靜地就食齋啦，去到大澳食一餐勁海鮮咪得囉
[版主回覆01/05/2012 15:14:37]本身我都係咁諗, 不過我又冇問清楚我老豆係邊到, 所以唔覺唔覺, 咪lai左嘢囉!!