今日上埋第二堂嘅photoshop, 完晒囉! 完晒囉!
好滿足! 因為我學到晒我想學嘅嘢! 而且仲可以自己執相.............如果記得的話!
有d嘢, 原來唔去學, 真係好多嘢唔知, 知道左, 原來先知道好多嘢係比人厄, 唔係話d高矮肥手喎(因為呢d只係小兒科), 而係相嘅格式檔都有幾種, 而呢幾種, 往往都係去影樓影相通常都會比人厄左都唔知.............
而家呢, 知晒! 但係已經冇用, 因為我都已經比人厄左, 唯有下次有機會就醒d啦!
我上完呢個course, 就發現原來自己好後悔, 因為未生滕滕嗰時有好多嘢想學, 但係成日都懶, "的"唔起個心肝, 但係而家呢, 想學就冇時間, 因為已經比滕滕fulfil晒我d時間! 如果下次有course 想上, 唔知可唔可以再請假呢...............
咁即係影樓會呃我哋D咩呀???唔明呀!
回覆刪除[版主回覆05/27/2010 10:09:00]講出嚟好似好複雜, 但係其實又好簡單............因為相有3個格式, 1. JPEG(我地平時嗰種), 2. TIF(呢樣個象素冇好似JPEG咁壓縮過, 所以象素係會大過JPEG), 3.RAW(呢種檔係可以直接執相, 係最original, 比起TIF 仲要更加好!)
亞sir 話, 影樓影完相, 比個JPEG file 你, 跟本就係垃圾, 因為JPEG每一次處理過都會壓縮一次, 如果晒大相, 跟本個quality 就唔得, 4R就冇問題, 8R就已經免強!
其實都唔算係比人厄, 只係比人搵苯啫, 因為唔識嘛! 因為知道影樓估我地唔識, 所以就求其比番D solfcopy 我地, 但係原來嗰個檔, 跟本晒大相係冇用!
咁你話, 我而家知, 係唔係覺得好似比人厄左咁吖!
噫!!!咁我都想去學下喎，但其實我又識少少，咁去唔去好呢?
回覆刪除[版主回覆05/27/2010 11:08:00]去吖, 可以再知多d吖嘛! 因為真係好好玩架!
不過, 就要睇下你好唔好彩, 與正個亞sir 係ok唔ok囉, 因為之前契妹去學, 佢話佢個亞sir 悶都嘔呀!
咁你個亞sir叫咩名呀?
回覆刪除[版主回覆05/27/2010 16:53:00]亞sir 叫 Alan Chan, 不過佢講嘢好快, 好似要我地一講就明白同會記得咁, 個腦慢d都唔得! 所以有好有唔好, 不過佢就唔會好悶囉!
嘩!!!咁真係要打醒十二分精神，仲要精神過返工
回覆刪除[版主回覆05/27/2010 17:55:00]都要醒d 架, 因為我有時take notes 都miss左個point 呀~
所以D貴嘅影樓會你買返個hard copy, 逐張同你計~
回覆刪除咁冇上過堂嘅基本上都俾人呃喇, right?
[版主回覆05/27/2010 18:01:00]最衰就係比錢買嗰d, 都係比番JPEG你呢!!!
我上次問嗰間FACE幾次, 佢先比番個TIF 我咋!
咁衰架, 好在你識野先堅持問佢哋攞返姐~
回覆刪除[版主回覆05/27/2010 23:49:00]我嗰時都未識架, 如果識我就問佢攞個RAW檔啦! 因為我見個JPEG file得嗰4/5MB, 所以我話唔得, 要個再大D, 嘈佢幾嘈佢就比個TIF 我喇! 都係撞彩咋,佢肯比個TIF檔我!
你唔早d問吓我....因為我早你8年前已讀咗另一個兩日班~~CorelDraw!!!個亞ir都有講過raw檔!!!我個時都係工聯會讀架!!!!!!!
回覆刪除[版主回覆05/30/2010 11:16:00]點知你八年前已經咁勁啫!