我真係唔知點算! 滕滕而家食sofa 好似食到上左引咁, 一日咬幾十次, 我日日番到屋企, 都無啦啦會係某d地方到搵到d皮碎!
而且滕滕早排已經升左級, 咬左出嚟嗰d皮碎, 佢有時會收埋係門牙後面, 有時就收埋係個上顎到, 如果我地搵唔到, 佢就會好開心咁奸笑; 但係而家佢又玩嘢喇, 因為我地一跑埋佢, 佢自己會申條利出嚟比我地睇架! 即係 "嗱, 我比你睇啦, 冇呀!", 但係我地一行開, 佢個咀就會郁下郁下, 係到o趙緊!
我諗左好耐, 究竟買唔買好! 係尋晚放工, 我都決定買左佢, 唔係揸手, 係揸係佢鐘意咬嗰d地方!
藥房嗰個人話堅苦架, 仲要keep住苦成兩個鐘!
所以滕滕你乖d啦, 唔好再咬sofa 喇, 我地唔係同你玩架! 你咬唔緊要, 但係我地怕你食左d嘢落肚仔有事呀!!!
苦成兩個鐘, 好利害喎~
回覆刪除您有無試下味先呀?
希望滕滕只係用一日就可以戒甩佢啦
[版主回覆05/11/2010 12:04:00]我未試過呀, 因為d朋友都話係好苦架!
我都想佢唔好再咬喇, 因為食得多真係唔好架!
嗰種苦味真係另人想嘔囉
回覆刪除[版主回覆05/12/2010 10:28:00]你食過呀???
我用條矃掂一掂過，打晒冷震
回覆刪除[版主回覆05/12/2010 11:26:00]我尋晚都試過呀, 個味道真係好唔掂!
有無令你作嘔呀?
回覆刪除[版主回覆05/12/2010 17:52:00]咁又冇! 因為我係當自己係滕滕咁咬張sofa一下咋!
我叫個工人唔好揸咁多, 因為我唔想苦死佢呀!