因為公司樓下嘅三樓係線廠, 所以成日都有d搬運工人要將d好似架lift咁大嘅鐵線圈搬嚟搬去, 下下都將d老連咁重嘅鐵線圈dum落地, 攪到成坐樓耐唔中都震到亞媽都唔認得!
間線廠搬左入嚟都已經有三年, 咁就震足三年, 我真係怕唔知有一日, 橦工廠大廈會唔會變成危樓呀! 因為成日係咁震, 廁所地下嘅雲石, 已經有成兩三塊裂開, 而且仲谷起左少少!
裂開谷起, 已經唔係今時今日嘅事, 不過個會計上個星期四同老闆講, 話d雲石咁谷起, 怕click 親馮小姐, 不如搵個裝修佬整左佢喎!
老闆同我講, 佢一聽到個心就諗: "使唔使咁大陣像呀! 因為佢有左就要去整笪地???!!!"
我都係第一次聽, 公司有人大肚, 就要去裝修??? 唔hair呀化? 咩事咁巴閉呀?! 我真係想知, 究竟係馮小姐同個會計講, 定係個會計懶好心咁呢?!
不過, 我都唔會理佢地, 因為個會計成日都係扮晒嘢, 成日等人地覺得佢好似處處為人著想, 但係如果真係處處為人著想, 就唔會係lunch 叮嘢用最慢火嚟叮半個鐘啦, 以為個微波爐得佢自己一個用呀! 而馮小姐, 我亦都唔會問佢, 我費事佢一陣以為我好緊張佢!
不過咁震法，你地唔頭暈架咩?點解唔去管理處傾傾呢?
回覆刪除[版主回覆05/10/2010 17:14:00]冇得傾架, 因為呢到係工廠大廈呀!
你叫老細答返佢,我都想為我既員工做D野,但係人地話大緊肚裝修唔好呀,馮小姐咁緊張,裝修完有咩事就唔好啦,擔當唔起呀,一係咁啦, 等佢生完先裝修啦!!!
回覆刪除[版主回覆05/11/2010 11:04:00]我都第一時間同老闆講 "乜唔係有左唔好裝修嘅咩?"
我都唔知個會計真係好心定係靠害!
哈! 叮半個鐘真係利害!
回覆刪除[版主回覆05/11/2010 11:07:00]係呀! 個會計叮襯嘢都較到去最慢火叮成半個鐘架!
唔知佢係唔係以為較慢火, d 幅射冇咁多, 定係佢想慢火叮, 叮完就啱啱好1點開飯, 唔使唔夠熱卦!