是你另我卻步!

其實用呢個公仔(heading 嗰個), 都唔係好啱, 因為我而家都冇火滾!

 

因為老闆好人, 逢係過時過節, 都會比禮物我地, 所以我就安排左亞媽係我公司到做part time!

 

今日馮小姐無啦啦同我亞媽講佢有左, 又話會係私家生! 我亞媽問佢, 如果係私家生, 咪會好貴囉! 佢話係呀, 都要架啦!

 

我真係唔明, 擺酒都差d唔夠錢, 一路都仲儲緊, 都仲要學人地係私家生?

 

而家都未知個bb有冇遺傳病, 又未confirm 個bb要唔要到, 就四圍同人講佢有左, 我都唔明點解要咁高姿態!

 

因為個bb可能有遺傳病, 好多化驗政府都冇得資助, 所以佢應該有好多錢係呢到要用!

 

仲有遲d如果真係要個bb, 佢又要同房處申請調遷(換大間d), 到時搬屋, 唔多唔少, 都要使下錢啦吓嘛, 冇咁多錢仲四圍同人講要係私家生!

 

好多時, 我都好想同佢講, 比D意見佢! 不過, 好似辣椒油事件咁, 講左佢冇理我, 所以我唔會出聲, 就算如果佢真係問我, 我都唔會比咩意見, 因為係佢另到我卻步!

 

如果遲d佢confirm 佢個bb係冇問題, 我相信佢以後 d 咩bb用品, 佢都會問我, 又或者我用乜, 佢就買乜! 唔係話睇少佢, 如果唔係佢d 咁嘅態度, 我買d咩, 有咩discount, 我都一定同佢講, 不過而家我唔再會囉!  因為幾萬蚊係私家生佢都有錢, 咁d咩discount 呀, 有d咩唔要呀, 佢係唔係應該都唔至在呢!