原本今日想去買鞋, 但係睇唔啱, 所以冇買! 但係我估唔到我會買左另外一樣嘢, 仲要係出晒血..........就係爸爸! 因為生完, 知道自己已經冇之前咁挺, 但係都冇理, 因為好鬼忙, 但係我估都估唔到一試左出嚟, 個老闆娘一睇, 就知道我嘅問題! 咁當然比佢嚇一嚇之後(因為我冇講, 佢都知道我問題係邊), 我就把心一橫, 買左6個矯型爸爸!
買完爸爸都已經赤左, 不過我都冇忘記滕滕, 因為我另外一個主要任務, 就係買牙刷比佢!
其實唔止呢兩隻, 仲有一隻係有刷毛架, 等佢第日再大d就啱用啦! 另外又買左把風扇仔比滕滕係架bb車到用! 又買左熙媽講過嗰d米粉!
嘩! 今日幾飽呢!!!
6個? 點解唔買住兩個試吓先呀?
回覆刪除[版主回覆05/22/2010 11:08:00]其實我本身嗰D個CUP未生嗰時係細一個SIZE 架(我知, 因為我覺得咁樣好睇D吖嘛 ), 我而家比個老闆娘話我仲咩著細左兩個CUP(佢話有D人生左會大左個CUP), 所以攪到而個胸D肉bit左去個背脊到! 就係因為我個背脊d肉減嚟減去都減唔到, 而且個老闆娘講晒我而家出現左嘅問題(個胸又墮左, 又冇彈力), 所以橫掂我本身屋企嗰d全部都係唔啱, 咁所以咪想換晒佢囉!
點解只係用兩支刷牙肉, 唔埋支牙刷呀?
回覆刪除[版主回覆05/22/2010 11:10:00]我都買左支有刷毛嘅牙刷架! 不過因為佢而家未識揸住嚟用, 所以呢兩支都係係學習階段囉! 到佢識用d牙刷時, 嗰支有刷毛嘅, 就可以攞出嚟比佢用喇!
支野點用架...d毛咁大支既
回覆刪除[版主回覆05/22/2010 11:10:00]兩支都係係學習階段囉! 到佢識用d牙刷時, 嗰支有刷毛嘅, 就可以攞出嚟比佢用喇!
洗唔洗買6個呀?好平架?
回覆刪除[版主回覆05/22/2010 11:14:00]平呀, 都幾啦, 如果相對係寶xx! 其實我原來買3個架, 跟住個老闆網話我買多兩個就送多一個比我! 咁既然本身我嗰d係全部唔啱, 咁所以.......6個囉!
應該唔係俾佢揸嚟用, 係你幫刷至真架.
回覆刪除[版主回覆05/24/2010 12:37:00]係比佢揸嚟用架, 不過比佢用過, 佢唔係好肯刷囉!
6個...好傷喎~係咪保x絲呀?
回覆刪除[版主回覆05/24/2010 12:39:00]保XX..........攞我條命咩!