因為個工人要去做visa, 所以今日請左一日假有得蛇王!
每逢星期日湊完滕滕, 星期一佢都瞓得好晏, 而今日就仲堅, 今朝8點半滕滕合埋雙眼喊住要飲奶之後, 佢又再瞓番, 一瞓就成十點先起身, 而我呢都瞓到十點幾!
起身一出房門, 就見到有奇景, 就係個工人同滕滕著左件唔啱著嘅夾衣, 其實唔啱著嘅夾衣呢個問題不大, 最大問題, 係個工人冇同滕滕著片, 而件夾衣嘅褲檔係冇扣鈕(因為扣唔到), 我一望就望到滕滕個"姑"係因為條褲唔啱著而突左出嚟! 好明顯只係條"姑"突左出嚟!
件夾衣係淨藍色, 條"姑"係肉色, 咁你話喇, 幾核突吖!!!
我一見到, 就問個工人, "仲咩核突得咁緊要呀!!! 成條"姑"咁樣出左嚟呀!!!!!"
我同個工人講, 佢自己都忍唔住笑, 跟住就攞過件衫比滕滕著, 但係滕滕知道要換衫, 佢居然寧頭話唔換喎!
唔通咁樣著法係舒服d架咩???
你真係形容得出神入化, 我可以幻想到成個景像, 真係好核突呀! 哈!~
回覆刪除[版主回覆05/18/2010 23:58:00]我睇見, 都笑左好耐, 因為真係好核突, 只係突左條"姑"出嚟!!!
BB係咪覺得好通爽呢，哈哈哈
回覆刪除[版主回覆05/19/2010 22:44:00]應該都係架, 因為如果冇著片嗰時, 佢真係成日摸住個"姑"架!
呢個場境一定好爆笑喇~
回覆刪除[版主回覆05/19/2010 22:44:00]我真係好想影抵佢架!
滕滕戒到片好叻仔
回覆刪除[版主回覆05/19/2010 23:32:00]都未架, 只不過係初階段嚟架咋! 因為太熱, 所以個工人先唔同佢著片架, 隔一個鐘左右, 個工人就會"的"佢去痾VV囉!
影低佢打完格仔先放上嚟喎~
回覆刪除[版主回覆05/20/2010 10:27:00]冇喇! 案件唔會再重演架喇! 因為我已經命令左個工人, 唔啱著嗰d就唔好幫滕滕著架喇!
你唔使諗住有得睇呀!
冇得睇呀, 咁咁咁...不如嚟個獨家表演呀, 淨係俾EE一個睇下呀~我唔會帶手機/cam拍底佢架!
回覆刪除[版主回覆05/21/2010 22:58:00]冇喇! 收埋左件衫喇, 唔好再諗有機呀 !
衫仔我有大把呀, 要幾窄身有幾窄身~
回覆刪除[版主回覆05/21/2010 23:24:00]一係咁喇, 你想睇啫, 你同熙熙著件加細碼喇
熙熙...我已經睇嫌咗喇, 我係想睇滕滕咋, 緊身夾乸衣+滕滕個朦朦地嘅樣, 一定好好笑架~
回覆刪除[版主回覆05/21/2010 23:50:00]咁又係, 佢當時個樣真係幾懵 & 幾戇居架, 而且仲傻下傻下, 都唔知我笑乜 !!!
咁你係咪即係答應俾我睇呀?
回覆刪除[版主回覆05/22/2010 13:31:00]都話冇囉!!!
車....唔俾人睇又係度引人~
回覆刪除[版主回覆05/22/2010 20:10:00]吃不到得葡萄是酸的吖嘛!!!