改期都改左幾次, 尋日終於到可以同熙媽 & 叉燒媽一斉出嚟見面喇!
去緊之際, 唔知滕滕知唔知有個朋友仔等緊見面一斉玩呢...........
不過叉媽玩嘢囉, 約左佢13:45係葵芳MTR 等, 13:50打比佢, 佢話佢仲未出門口喎, 頂佢吖! 本身約左係食嚟到等架嘛, 咁就唔好約我係地鐵等啦! 仲要遲左成個鐘先到喎, 早知一早呢餐就入佢數啦!!!
熙熙原來同滕滕都一樣, 冇時停, 成日整嚟整去, 坐唔定, 所以我諗佢兩個大D一定好啱咀型, 一斉攪攪震!
叉燒仔大個左好多, 而家有成4個半月喇, 見到佢, 真係覺得佢好可憐, 咁細個唔知屋企發生D咩事, 不過好彩佢而家仲未識嘢, 如果唔係, 知道有個衰老豆, 我諗佢呢一世都有個唔好心嘅烙印!
PS. 我睇番D相..........有冇攪錯!!! 點解我同熙熙冇影過相架!!!
好開心喎!
回覆刪除[版主回覆06/01/2010 09:57:00]我咁大個女都未試過架, 第一次咋!!!(幾鬼驚呀 )
我發現你成日都係睇返啲相之後，唔記得同乜乜影相架喎，下次一黎到，影晒先，哈哈哈
回覆刪除[版主回覆06/01/2010 11:22:00]我都唔知點解會咁.........., 其實我臨出門口時好記得一定要帶相機, 不過更係去到某個位嗰時, 就唔記得左, 一定係會唔記得!!!
我知點解呀, 因為我冇帶相機同你哋2個影囉!
回覆刪除有咩好驚喎, 去多幾次街就唔驚架喇~(睇你個樣就會覺得你係膽生毛嘅人, 一D都唔似會驚)
[版主回覆06/02/2010 10:38:00]我都同你講過啦, 我外表雖然好OPEN, 但係內裏就好斯文架嘛, 雖然我鐘意成日小人.............
某程度上, 我真係膽生毛, 我好鐘意挑戰新嘢, 不過我都有我軟弱嘅時候嘅.........嘩, 我都有小小頂唔係好順, 雖然呢個又係事實!
我唔理喇, 下次一定要影番餐飽架!
好久沒有留言啦!你哋都一齊出去啦!真是太好了吧!我個囝個面真是成個關公那樣,無小b媽個囝個面那麼好囉!見到都真怕嚇到呀!
回覆刪除[版主回覆06/02/2010 10:40:00]好開心見到你呀~ 你知邊個係小B媽咩??? 呢到加埋我, 有3個媽咪喎!
如果可以, 你都睇下你幾時得閑見下面吖!
小b媽得二十幾歲,應該是最年輕那個架!而且面形有些像叉燒仔!
回覆刪除[版主回覆06/03/2010 22:39:00] 你咁講, 咁即係我都唔年輕啦, 我都知架喇!!!
我唔識說話呀!應該穿粉紅色的衣服是小b媽吧?
回覆刪除死啦!我唔多識的講得體的說話,我好怕會得罪你們呀!
[版主回覆06/07/2010 17:08:00]我同你講笑咋, 唔好咁認真啦! 大家都係得啖笑啫!