上個星期日亞爸亞媽入嚟食飯, 老豆今次冇買蟹喇, 不過買左翡翠螺入嚟! 嗶, 真係好好食, 唔知點解我對呢d嘢真係好鐘意, 而且我又冒住腸胃炎嘅險我都照食! 呢個老豆曾幾何時, 因為佢對亞媽唔好我嬲左佢, 又唔知曾幾何時, 佢成日發皮4, 我嬲左佢, 又唔知曾幾何時, 佢無理取鬧, 我又嬲左佢, 又唔知曾幾何時, 佢又借到周身街數, 我又嬲左佢, 加加埋埋, 我堅嬲左佢, 冇同佢講嘢最少都有7/8年!
廿年前老豆試過一次攬住我喊, 叫我原諒佢, 唔好再嬲佢, 唔好唔理佢, 過左嗰次之後佢d皮4改左好多, 唔會好似以前咁番到屋企大力"pang"門入房, 無啦啦食完飯就叫我同細佬是但一個罰企, 又唔會成日發癲掉爛晒d嘢! 不過雖然係改左, 但係d皮4有時都係好嗅, 所以雖然基本上我好似原諒左佢, 但係實質係冇!
可能係因為自己個人大左, 我地成班同亞媽食完飯番去見到佢一個人自己係樓下孤00食飯, 我個心就開始心軟!
我唔係唔想對佢好, 但係一對佢好, 佢又嚟料! 但係有時都想亞媽開心, 同埋睇見個老豆冇人理, 都覺得佢已經有應有嘅懲罰喇! 因為佢已經比我地拋棄左佢有7/8年, 由我開始唔彩佢嗰一斉, 我兩個細佬都一斉唔理佢!
講真, 雖然有時真係好嬲佢, 佢都知, 但係佢又衰衰咁買我鐘意嘅嘢比我食, 咁邊樹嬲得落啫! 不過, 雖然個心嬲少左, 但係表面我都係成日話佢, 費事佢成日以用呢樣嘢嚟氹我!!!
嘩, 成日要响佢面前扮cool 咪好辛苦囉
回覆刪除[版主回覆05/28/2010 17:19:00]有陣時都係架, 不過唔係咁樣對佢, 佢又唔會乖, 因為如果比佢知我個心軟, 佢就會開始得戚(& 衰格)架喇!